Ministri i Kulturës, Hajrulla Çeku ka vizituar instalacionin “Mbi të gjithë”, mbindërtim ky në qendër të kryeqytetit i realizuar nga artisti Alban Muja, në kuadër të Bienales Manifesta 14.

Artisti i njohur i artit bashkëkohor, Muja, përmes kësaj vepre ka aktualizuar fenomenin e mbindërtimeve, i cili ka zgjuar debat lidhur me mbindërtimet dhe ndërtimet ilegale në Kosovën e pasluftës dhe ndikimin që mund të kenë në planin urbanistik.

Alban Muja është artist që ka analizuar dhe trajtuar shumë fenomene shoqërore, të cilat i ka paraqitur përmes veprave të tij dhe i ka ekspozuar në shumë galeri të vendeve të ndryshme. / KultPlus.com