Janë ndarë kësisoj çmimet e Bienales së Venecias.

Frank Barkow, Sofia Von Ellrichshausen, Kate Goodwin, Patricia Patkau dhe Pier Paolo Tamburelli si pjesë e jurisë kanë zgjedhur fitues Zvicrën si Pavijonin më të mirë në Bienalen e Arkitekturës.

Britania e Madhe ka marrë një mirënjohje speciale. Pjesëmarrësi më i mirë në ekspozitën ndërkombëtare u shpall Eduardo de Moura.

Bienalja e Arkitekturës në Venecia të Italisë u hap ditë më parë ndërsa Pavijonet shtetërore janë hapur përgjatë kësaj jave, me inspirime dhe me fokuse të ndryshme artistike.
Pavijoni i Zvicrës ka ndërtuar banesa me qera në Venecia, kësisoj duke u fokusuar në dizajnin interior të pronësive me qera.

Pajisje të ndryshme minimale janë pjesë e hapësirës së bardhë nëpër rrugëtimin e këtij Pavijoni.

Kujtojmë se Kosova këtë vit merr pjesë në Bienalen e Arkitekturës në Venecia ndërsa KultPlus ka raportuar këtyre ditëve mbi zhvillimet shqiptare atje. / KultPlus.com