Është ndarë sot nga jeta në moshën 76-vjeçare piktori i njohur korçar Sotiraq Xega. Ai njihej si një nga piktorët më të mirë të peizazhit dhe cilësohej si pasardhës i Vangjush Mios.

Sotiraq Xega ka më shumë se 35 ekspozita vetjake, pjesa më e madhe e punimeve të tij janë në gjininë e peizazhit.

Xega kohët e fundit ekspozitat e tij i ka çelur në natyrë pasi ja kishin ndaluar të bënte një gjë të tillë në mjedise ku ekspozonin dhe piktorë të tjerë.

Ekspozita e fundit e tij ka qenë ajo e manave të Drenovës, ekspozitë të cilën e paraqiti për miqtë kryesisht, në një prej rrugicave të fshatit të njohur turistik. Përpos ekspozitave të shumta që e kanë bërë Xegën një prej mjeshtërve të peizazhit./tvklan.al/ KultPlus.com