Me datë 14 nëntor, në Belgjikë artistja Alketa Xhafa Mripa është ftuar të flasë në javën e artit “Një javë të luftojmë dhunimin”.

Java në fjalë organizohet nga 13-16 nëntor nga Grr-Rape Project dhe VLERA – organizatë e studentëve shqiptarë në Bruksel.

Përpos ligjëratës, gratë dhe burrat që dëshirojnë të dhurojnë fustane e që jetojnë në Bruksel, janë të lirë të ofrojnë fustane në mënyrë që të krijohet një instalacion gati i njëjtë me “Thinking of You” në Stadiumin e qytetit në Prishtinë, shkruan KultPlus.

Gjithçka do të ndodhë në mbështetje të të mbijetuarave të dhunës seksuale në konflikte të ndryshme. Arti mund të shërbejë si përgjigje ndaj dhunës seksuale në kohë lufte, dhe kjo Javë synon të flasë pikërisht mbi këtë, mbi dhunimin si një metodë e cila përdoret në luftë por edhe dëmtohet prej stigmës shoqërore që i është vënë mbi.

Xhafa është artiste e disa mediumeve artistike, përfshirë instalacionin, performancën, fotografinë, vizatimet dhe videon. Puna e saj është ekspozuar në Firence, Lisbonë, Berlin, Londër e Prishtinë. / KultPlus.com