Nesër mbrëma, me 20 tetor dhe me fillim prej orës 18:00, në Termokiss në kryeqytet artistja Alketa Xhafa Mripa do të sjellë instalacionin e saj më të ri artistik.

Në një kohë kur në Kosovë po bëhet fushatë për zgjedhjet që vijnë në fundjavë, Alketa ka vendosur që punën e saj më të re ta quajë “VOTO #PërTiDhënëFundVarfërisë”.

Alketa tregon se instalacionin nënkupton votën si proces që mund të ndërrojë rrjedhat në një shoqëri, shkruan KultPlus.

“Votë për ti dhënë fund varfërisë. Unë besoj se të gjithë mund të bëjmë ndryshimin dhe të ndihmojmë drejt ndryshimit pozitiv – sidomos kur i qasemi çështjeve madhore si varfëria. Siç thotë thënia – “Mund të jemi e para gjeneratë që i jep fund varfërisë” – le të jemi ne ajo gjeneratë” tregon artistja e njohur. / KultPlus.com