Ambasadori i Shteteve të Bashkuara të Amerikës në Kosovë Greg Delawie, ka marr pjesë sot në hapjen e ekspozitës me fotografi nga jeta e presidentit amerikan John F. Kennedy. Kjo ekspozitë u hap në 100 vjetorin e lindjes se presidentit të 35-të të Amerikës.

Drejtoresha e Bibliotekës ndërkomunale në Prizren, Sahadete Sadikaj, tha me këtë rast se kjo ekspozitë me fotografi nga jeta e presidentit amerikan John F. Kennedy hapet në 100 vjetorin e lindjes së tij. Po ashtu është mbajtur një ligjëratë dhe bashkëbisedim për jetën e presidentit amerikan me grupin e vullnetarëve të bibliotekës.

“Ka shumë mesazhe që mund të merren nga kjo ekspozitë, si nga jeta ashtu edhe nga vepra e presidentit amerikan. Ekspozita do të jetë e hapur deri më datë 8-të gusht”, tha Sadikaj.

Ambasadori amerikan pos që mori pjesë në hapjen e ekspozitës vizitoi edhe grupin e vullnetarëve, me të cilët e zhvilloi një bashkëbisedim të shkurt, dhe pa u prononcua fare për medie, u largua nga shtëpia e kulturës, shkruan gazetaere.

Drejtoresha e Bibliotekës ndërkomunale Sahadete Sadikaj, tha me këtë rast se grupi i vullnetarëve të Bibliotekës do të jetë në shërbim të vizitorëve të qytetit të Prizrenit.

“Gy grup nga data 29 do të jenë në përcjellje të vizitorëve për në Kalanë e Prizrenit”, tha ajo. / KultPlus.com