‘Obbobobbobo dul peshku’ është puna më e re artistike nga Sislej Xhafa.

Koncepti lidhet edhe me trenin.

Trenat gjatë luftës së fundit në Kosovë u përdorën për deportim masiv të qytetarëve. Treni është shenjë e progresit – thuhet në videon e realizuar ku artisti Sislej Xhafa tregon më shumë për punën në fjalë.

Sa herë kalon treni, pason një incizim i duartrokitjeve.
“Treni është një dëshirë për liri, sikur peshkimi. Në kohën e komunizmit, peshkimi ishte i ndaluar në Shqipëri. Kur njerëzit shihnin peshq, ata nuk mund ti preknin dhe thonin me vete ‘Obbobobbobo dul peshku’” tregon artisti në këtë video prezantuese të projektit.

Ekspozita është hapur në Nialtri, nga 21 deri me 28 korrik, në Itali. Në fakt ekspozita është e veçantë pasi është krijuar një hapësirë specifike për të vënë në jetë instalacionin e Sislejit, artistit problematik që në Kosovë po shkakton debat me shfrytëzimin e lopëve për ekspozitën e tij të fundit.

Ekspozita inspirohet nga zhvillimet e turizmit, zërat që përzihen me natyrën dhe lëvizjen.
Kuratore e ekspozitës është Cristiana Colli. / KultPlus.com