Ashtu si e kishte paralajmëruar, piktori surrealist Amarildo Ruci zhvilloi  performancën ‘live’ në sheshin “Skënderbej” mbrëmjen e 24 gushtit.

Në përreth tre orë, artisti realizoi një vepër në një tablo me përmasa 2x 3 metër, në teknikën e vajit. Kjo përballë të pranishmëve që e duartrokisinin hap pas hapi. E shoqëruar me muzikë dhe një ekspozitë të disa prej veprave të artistit.

Artisti do të ekspozojë disa nga punët e tij në hollin e “Carrousel Du Louvre” dedikuar artit bashkëkohor nga 1 deri më 4 shtator. Dhe kjo ishte një shfaqe “Pre Louvre” që ai ia kushtoi publikut të tij në Tiranë.

Loja e simbolikës është e pranishme në veprat e autorit me elementet figurative. Nga ana tjetër, ngjyra është arma e tij e fortë e hedhur shpesh një telajo të bardhë minimaliste.

Autori do të përfaqësohet në “Carrousel Du Louvre” me gjashtë vepra të artit bashkëkohor nga data 1 deri më 4 shtator./ KultPlus.com