Drejtori i drejtorisë së kulturës në Komunen e Prishtinës Yll Rugova, sot përmes një njoftimi në Facebook, ka treguar se tashmë komuna ka dorëzuar dokumentacionin e kandidaturës për të organizuar ngjarjen e rëndësishme ndërkombëtare të artit në Prishtinë Manifesta, shkruan KultPlus.

Ky është postimi inplotë i Rugovës:

Pas vizitës në Prishtinë nga zyrtarët e Manifestas, dje edhe zyrtarisht kemi dorëzuar dokumentacionin e kandidaturës për të organizuar këtë ngjarje të rëndësishme ndërkombëtare të artit në Prishtinë.

Në rast të përzgjedhjes, Prishtina bëhet nikoqire në vitin 2022 e bienales ndërkombëtare që sivjet po mbahet në Palermo, kurse vitin 2020 do të mbahet në Marsej.

Në diskutim edhe me përfaqësuesit kemi shprehur pritjet tona në zhvillim të artit dhe turizmit përmes Manifestës, si dhe për intervenimet urbane në qytet që mund të bëhen gjatë kësaj kohe. Të dhëna nga qytete tjera tregojnë se rreth 200,000 vizitorë e përcjellin këtë ngjarje, si dhe mijëra gazetar nga e mbarë bota.

Në muajin nëntor mirret vendimi nga bordi i bienales.