Stacion – Qendra për Art Bashkëkohor Prishtinë ka njoftuar se juria e çmimit Artistët e së nesërmes 2023, ka zgjedhur një fitues për çmimin. Juria përbëhet nga Julieta Aranda, artiste dhe anëtare themeluese e e-flux, Berlin, Miljana Dunđerin, artiste, drejtoreshë e qendrës private kulturore “Akvarijus”, Mitrovicë e Veriut, Agrina  Vllasaliu, artiste, fituese e çmimit Artistët e së nesërmes 2022. Me qendër në Berlin dhe Prishtinë, Alper Turan, kurator dhe shkrimtar, me  qendër në Nju Jork dhe Stamboll, Driton Selmani, artist, me qendër në Prishtinë.

Juria u mblodh në Prishtinë nga data 30 nëntor deri më 2 dhjetor për të parë punën, për të folur me artistët, për të diskutuar dhe përzgjedhur fituesin e çmimit Artistët e së nesërmes 2023.

Pas shqyrtimit të tyre, juria ka lëshuar deklaratën e mëposhtme: Ishte pasuruese për ne si juri të takoheshim me secilën prej finalistëve Renea Begolli, Shkamb Jaka dhe Arbesa Musa dhe të diskutonim për veprat e paraqitura në ekspozitë.

Pas shumë diskutimesh, juria zgjodhi Renea Begollin si fituese të çmimit Artists of Tomorrow 2023. Koherenca e praktikës së Reneas dhe artikulimi i qartë i motivimeve dhe ambicieve të saj, pozicionimi më i mirë i vetes dhe praktikës së saj në rrjetin më të gjerë dhe linjën e diskursit socio-politik në Kosovë shtron pyetje të mprehta në lidhje me marrëdhëniet midis njerëzimit dhe natyrës dhe aludon për mundësia e
trupit, një Tjetër që mund të zhbllokohet. Juria beson fuqishëm se puna e Begollit do të përfitojë nga mundësia e një rezidence në Nju Jork dhe se ajo do të ndeshet me një komunitet që do t’i mundësojë zhvillojë në potencialin e saj të plotë punën e saj tashmë shumë premtuese.

Çmimi Artistët e së nesërmes organizohet nga Stacion – Qendra për Art Bashkëkohor Prishtinë. / KultPlus.com