‘Në kërkim të së tashmes’ titullohet ekspozita personale e skulptores Leunora Salihut e cila hapet sot në GKK, shkruan KultPlus.

Skulptorja kosovare e cila jeton dhe vepron në Gjermani Leunora Salihu, kësaj radhe do të vijë me ekspozitë personale në Galerinë Kombëtare të Kosovës.
‘Në kërkim të së tashmes’ titullohet ekspozita personale e skulptores Leunora Salihu, kjo ekspozitë vjen e kuruar nga Katharina Klang.
Ceremonia e hapjes do të bëhet sot në Galerinë Kombëtare të Kosovës në orën 20:00.
Leunora Salihu është lindur në Kosovë në vitin 1977. Ajo është fituese e shumë çmimeve ndërkombëtare ndërsa vazhdon të jetë skulptorja e vetme shqiptare që ka arritur ti koleksionohen veprat. Se ajo është në rrugë e sipër drejt përpunimit të një gjuhe të mëvetësishme artistike prej skulptoreje, e ka kuptuar qysh herët juria e “Bergische Kunstpreis” kur ia ndau këtë çmim prestigjioz. Pastaj, në vitin 2012 Leunora pati fituar në Solingen çmimin artistik të Bankës Kombëtare të Gjermanisë. Koleksioni Artistik i NRW (Landit Nordrhein Westfallen) në galerinë K21 Ständehaus i ka lënë në dispozicion të punimeve të saj pavijonin Bel Etage të Muzeit të Dyseldorfit. Aty mund të shikohen dhe shijohen skulpturat voluminoze të Leunorës deri më 10 shtator. / KultPlus.com