Stacion – Qendra për Art Bashkëkohor Prishtinë tashmë ka hapur aplikacionin për “Shkolla verore si shkollë” e cila është një platformë që ka në qendër artin dhe edukimin, shkruan KultPlus.

Pas suksesit të projektit të realizuar fillimisht në vitin 2015, Stacion – Qendra për Art Bashkëkohor Prishtinë tashmë ka hapur aplikacionin për vitin 2018 për projektin “Shkolla verore si shkollë”.

Këtë vit programi do të ketë njëmbëdhjetë kurse, kombinuar me teori dhe praktikë në klasë, leksione publike dhe prezantime duke prodhuar një përvojë unike dhe një shembull për arsim alternativ të artit.

Fakulteti i Shkollës Verore si Shkollë 2018 përfshin: Julieta Aranda, Zdenka Badovinac, Ari Benjami Meyers, Carolyn Christov-Bakargiev, Sezgin Boynik, Boris Buden, Mladen Dolar, Linda Gusia, Kate Fowley, Felix Gmelin, Sami Khatib, Vjollca Krasniqi, Nita Luci, Meriton Maloku, Miran Mohar, Andrej Nikolaidis, Renaud Proch, Bernhard Rüdiger, Anri Sala, Jelena Vesiq, Branimir Stojanoviq, Milica Tomiq, Alenka Zupančič dhe Dardan Zhegrova.

Frymëzuar fillimisht nga rastet në Kosovës, ku sistemi arsimor është strukturuar në mes të viteve 1970, Shkolla Verore si Shkollë është projektuar për të bashkuar dhe të për të shpërndarë njohuritë si dhe për adresimin e sfidave të rëndësishme me të cilat përballemi sot, duke sjell modele të reja dhe mundësive të ndryshme që mund të shfrytëzohen për mësimin e artit dhe për krijimin e bashkëpunimeve artistike.

Të interesuarit do të kenë mundësin që të aplikojnë deri më 20 maj, kurse programin do të zgjasë nga 16 korrik deri më 2 gusht. / KultPlus.com