Statujat e legjendave të Rolling Stones Mick Jagger dhe Keith Richards janë zbuluar në qytetin e tyre të lindjes, Dartford në Mbretërinë e Bashkuar.

Skulpturat prej bronzi u projektuan nga artistja Amy Goodman, e cila është një fanse e grupit dhe synonte të merrte të njëjtën energji dhe intensitet që ato sjellin në performancat e tyre.

Statujat, të quajtura “The Glimmer Twins”, një pseudonim i adoptuar nga Jagger dhe Richards në mesin e viteve 1970, sipas të cilit ata prodhuan albumet e Stones, u porositën nga këshilli i bashkisë Dartford.

“Muzika e tyre ka ndryshuar fytyrën e muzikës popullore dhe këta djem nga Dartford tani janë dy nga njerëzit më të njohur dhe më të dashur në botë”, tha kreu i këshillit të bashkisë Jeremy Kite gjatë ceremonisë.

Jagger festoi ditëlindjen e tij të 80-të muajin e kaluar, ndërsa Richards mbush 80 vjeç në dhjetor.

Grupi mori pjesë në 14 koncerte në Evropë vitin e kaluar dhe një album i ri i Rolling Stones pritet të dalë këtë vit./ a2cnn / KultPlus.com