Në breg pulëbardhat çajnë fluturim si kënga jonë plot mall. Këndojmë nga larg me dashuri, moj Arbëri.
Të parët tanë me brengë të lanë, sa kohë më nuk të panë? por sot si lule më je ti, moj Shqipëri.
(refreni) Valët e detit shkumojnë plot dallgë, bashkë me shokët në breg kemi dalë. Sa kemi mall s’ka deti valë, o moj e bukur Arbëri. Shikojmë nga larg, mendojmë për ty, o moj e bukur Shqipëri.
Përtej ne degë, ti rrënjë matanë, mes deti me stuhi. Shkuan kaq mote, degët s’u thanë, moj Arbëri!
Kjo kënga jonë, për ty përherë na djeg si zjarr në gji. Tek zjarri yt ne jemi përjetë, moj Shqipëri!
(refreni) Valët e detit shkumojnë plot dallgë, bashkë me shokët në breg kemi dalë. Sa kemi mall s’ka deti valë, o moj e bukur Arbëri. Shikojmë nga larg, mendojmë për ty, o moj e bukur Shqipëri.
***Sa kemi mall, s’ka deti valë, o moj e bukur Arbëri…***
Shikojmë nga laaaaaarg…! Mendooooojmë për tyyyyyy…! O moj e buuuuukur Shqipëriiiii./ KultPlus.com
Nesër do të fillojë edicioni i 14-të i “Etno Fest”, festival që do të ofrojë prezantime të ndryshme deri më 18 gusht, shkruan KultPlus.
Organizatorët kanë bërë të ditur se ceremonia hapëse do të shënohet me sopranon e njohur Adelina Paloja, sikurse që do të ketë edhe paraqitje të tjera muzikore përgjatë mbrëmjes.
KultPlus ju sjell njoftimin e plotë të organizatorëve.
Ceremonia e hapjes së Etno Fest këtë vit do të jetë një ngjarje e veçantë dhe e paharrueshme, duke u fokusuar në një koncert të jashtëzakonshëm të muzikës artistike që përqendrohet në interpretimin e veprave të frymëzuara nga melosi dhe traditat e pasura të muzikës shqiptare.
Në skenë do të ngjitet @adelinapaloja , soprano e njohur si në skenën vendore dhe në atë ndërkombëtare. Me zërin e saj unik dhe fuqinë interpretuese, ajo e madhështon çdo ngjarje kulturore
Sihana Badivuku, violinistja e skenave të shquara shqiptare edhe jashtë vendit me virtuozitetin dhe shpirtin e saj artistik, do të ngjallë dashuri për muzikën te çdo dëgjues
Gjithashtu, @oktetiplusofficial me fuqinë e zërave të burrave dhe interpretimet e tyre unike, do të kontribuojnë në pasurimin dhe ruajtjen e muzikës sonë, duke e transmetuar atë te brezat e rinj
Pjesë e koncertit do të jetë edhe @kori_femijeve_okarina , artistë të rinj në moshë, por me zemër të madhe dhe fuqi interpretative, të cilën e kanë dëshmuar në ngjarjet kulturore më të rëndësishme në vend. Me një përkufizim “Kori “Okarina” janë vet trashëgimia jonë kulturore!
Si përfundim instrumentistet e dalluara të skenës vendore, Kuartetit “Amati” me shumë talent e sharm, vizionare dhe te perkushtuara që muziken artistike ne vend ta ngrisin dhe më lartë / KultPlus.com
Donald Trump dhe Kamala Harris do të përballen për të debatuar më 10 shtator në televizionin ABC.
Sipas sondazheve përballja e tyre cilësohet të jetë gara presidenciale më e ngushtë. Një sondazh i Ipsos i publikuar të enjten zbuloi se Harris ka shtuar epërsinë e saj mbi Trump që prej fundit të korrikut. Ajo prin ndaj republikanit me 42 për qind të preferencave kundër 37 për qind të tij.
Gjatë një konference për shtyp, Trump sulmoi Kamalan, duke iu referuar si person radikal. Megjithatë, demokratja u shpreh se po priste me padurim debatin e 10 shtatorit.
Kosova as në vitin 2025 nuk do të marrë pjesë në Eurovision.
Transmetuesi Publik i Kosovës RTK nuk e ka marrë ftesën e lakmuar nga Unioni Evropian i Transmetuesve (EBU) për të marrë pjesë në Festivalin e Këngës Eurovision 2025 në Zvicër.
Sipas një postimi të llogarisë zyrtare të Kosovës në Eurovizion në X (ish-Twitter), EBU nuk dha dritën jeshile për arsye politike, shkruan Eurovision News.
Po ashtu, ata kanë konfirmuar për RTK-në se për të marrë pjesë në garën evropiane të muzikës duhet të bëhen anëtarë të plotë të organizatës së transmetuesve publikë të gjitha shteteve.
Një vatër zjarri u përhap mesditën e djeshme në Finiq dhe më pas flakët u përhapën edhe në Delvinë.
Flakët u vunë nën kontroll pas disa orësh, teksa në ndihmë të ekipeve të zjarrfikësve shkuan edhe 65 trupa të FA-ve dhe një helikopter kundër zjarreve.
Sipas deklaratave të dy ministrave, Pirro Vëngut dhe Blendi Gonxhajt, flakët nuk prekën Parkun Arkeologjik të Finiqit.
Në një njoftim zyrtar, ministri Gonxhe renditi të gjitha objektet që nuk ishin prekur nga flakët.
Alarmi për përfshirjen e Parkut Arkeologjik të Finiqit nga flakët dhe dëmet e shumta u dha nga studiuesi Auron Tare. Pamjet tregojnë pasojat e flakëve, pikërisht në Parkun Arkeologjik të Finiqit. /vizionplus.tv
Më 11 gusht 2024, ora 10:00, në Qafën e Predelecit, Kelmend, rikthehet “Logu i Bjeshkëve”. Kurorëzimi i së bukurës së dheut në “festën e traditës”, do të mrekullojë Lëpushën, Kelmendin e krejt magjinë e bjeshkës, me hiret e vajzave, me madhështinë e xhubletës me gazmendin e festës. Zgjohet nga përjetësia e vjen i hyjt këtu mes maleve shpirti i kremtes, përmbushja e amanetit të të parëve, vijimësia e traditës.
“Nën tingujt e instrumenteve shekullore, me zërin e mrekullueshëm të artistëve të mirënjohur, me valle tradicionale dhe me paraqitjen dinjitoze të vajzave konkurrente, ju ftoj të bëheni pjesë e këtij manifestimi të madh tradicional-kulturor.” shkruan kryebashkiaku i Malësisë së Madhe në rrjetet sociale, Tonin Marinaj, i cili fton të gjithë në këtë manifestim të madh të traditës, në këtë bashkëpjesmarrje dhe përjetim që vjen me vajzën malësore, për t’i treguar të sotmes dhe brezave, se sa i pasur ishte dhe ka mbetur shpirti ynë këtu mes maleve, se ç’farë bukurie të kristaltë sjell malësorja e stolisur me xhubletën, se pse ne meritojmë të jemi të përqafuar prej kësaj bujarie të mëkimit të traditës.
I rikthyer nga kohë e largët, ky event që zhvillohej çdo vit, që nga vitin 1998, të shtunën e dytë të muajit Gusht në fshatin Lepushë të Kelmendit, në vendin e quajtur Qafa e Predelecit.
Edhe këtë vit, kjo ngjarje bashkon malësorët nga gjithë bota në “Log”; për të kuvenduar, kërcyer, kënduar dhe për të gjetur më të bukurën zanë të e zanave të malësisë.
Për të gjithë ata që vetëm kanë dëgjuar dhe do të duan të bëhen pjesë e këtij kremtimi të festës së traditës, do t’i bëjnë vetes një dhuratë të paçmuar, duke marrë pjesë në “Logun e Bjeshkëve”. Atje ata do të përcjellin, jo vetëm spektaklin e ngjyrave dhe hireve malësore, të madhështisë solemne të xhubletës dhe larminë e etnokulturës, që do të shpalosët këtë ditë festive, por do t’u jepet mundësia të takohen me vajza dhe gra të bukura, njerëz të mrekullueshëm dhe bujarë.
Kësisoj do të përcjellin atë magji unike të malësore, duke e shënjuar këtë përvojë si një privilegj të përjetimit dhe pasurimit të momenteve shpirtërore.
Malsia e Madhe përmes “Logut të Bjeshkëve”, u rrëfen të gjithëve atë që ka qenë dhe do të mbetet në shekuj e shtrenjtë dhe e çmuar, amanetin e ruajtur thellë në gjirin e këtyre maleve dhe në shpirtin e këtyre njerëzve të mrekullueshëm, të thesarit të traditës, të hirit hyjnor të malësores./ KultPlus.com
Shtetet e Bashkuara të Amerikës e kanë fituar gjysmëfinalen dramatike kundër Serbisë në basketboll në Lojërat Olimpike “Paris 2024”.
Serbët ishin më të mirë se amerikanët në tre çerekët e ndeshjes, ndërsa ShBA-ja u kthye tek në çerekun e fundit.
Çerekun e parë, Serbia e fitoi me rezultat 23-31, të dytin 20-23, të tretin 20-23 kurse në çerekun e katërt, Amerika e la Serbinë me vetëm 15 pikë, duke e fituar atë me 17 pikë diferencë, 32-15.
Më i dalluari ishte Stephan Curry me 36 pikë, dy asistime e tetë topa të vjedhur, kurse te serbët më i miri ishte Bogdanoviq me 29 pikë, tri asistime e katër topa të vjedhur.
Në finalen e Lojërave Olimpike në basketboll, Amerika do të përballet me Francën, të cilët e mposhtën Gjermaninë me rezultat 73:69.
United States’ LeBron James (6) shoots during a men’s semifinal basketball game against Serbia at Bercy Arena at the 2024 Summer Olympics, Thursday, Aug. 8, 2024, in Paris, France. (AP Photo/Mark J. Terrill,Pool)
Ministri i Ekonomisë Kulturës dhe Inovacionit, Blendi Gonxhja, ka reaguar për situatën e zjarreve në Parkun Arkeologjik të Finiqit.
Sipas Gonxhjas asnjë prej monumenteve të Parkut Arkeologjik të Finiqit, të cilat janë të vizitueshme nga vizitorët, nuk janë prekur nga zjarri. Kjo për shkak se të gjithë monumentet kanë pasur një perimetër sigurie, të pastruar nga vegjetacioni, falë punës së punonjësve të Parkut Arkeologjik, dhe për këtë fakt, zjarri nuk ka avancuar për të rrezikuar dëmtimin e tyre.
Postimi:
Nga inspektimi i kryer në Parkun Arkeologjik të Finiqit, më datë 08.08.2024, ora 18:00, mbi situatën e krijuar nga zjarret në banesat pranë Bashkisë Finiq, rezultoi se:
Zjarret kishin filluar në veri-perëndim të Parkut Arkeologjik, pranë rrugës që hyn në territorin e fshatit Finiq, rruga që vjen nga fshati Blerimas.
Në zonën ku ka nisur fillimisht zjarri, ka ullishte të mbjella nga banorët e zonës, si dhe banesa të banorëve. Më pas zjarri u përhap në kodrën e Parkut Arkeologjik të Finiqit, në drejtimin perëndim-lindje.
Më pas, për shkak të erës në atë zonë, drejtimi i zjarrit shkoi në drejtimin veri-lindje, duke përfshirë të gjithë kodrën e Parkut Arkeologjik, në drejtimin verior. Më pas zjarri u përhap edhe në drejtim veri-jug, duke djegur vegjetacionin që rrethon kodrën e Parkut Arkeologjik të Finiqit, si dhe dy krahët e rrugës që të con në drejtim të Parkut, prej depos së ujit e deri tek biletaria.
Megjithatë, sipas inspektimeve të kryera, rezulton se:
Asnjë prej monumenteve të Parkut Arkeologjik të Finiqit, të cilat janë të vizitueshme nga vizitorët, nuk janë prekur nga zjarri. Kjo për shkak se të gjithë monumentet kanë pasur një perimetër sigurie, të pastruar nga vegjetacioni, falë punës së punonjësve të Parkut Arkeologjik, dhe për këtë fakt, zjarri nuk ka avancuar për të rrezikuar dëmtimin e tyre.
Monumentet e paprekura janë:
1- Zona publike e periudhës romake;
2- Teatri Antik;
3- Banesa me 2 peristile;
4- Termat Romake;
5- Muri fortifikues, ose i quajtur ndryshe “Dafina e Ugolinit”
6- Kisha Mesjetare;
7- Bastioni i madh
8- Bazilika Paleokristiane;
Etj…
Gjithashtu, edhe biletaria e Parkut Arkeologjik të Finiqit, nuk është prekur nga zjarret, pasi edhe biletaria ka perimetër sigurie, të pastruar nga vegjetacioni, por gjithashtu, biletaria është e pajisur edhe me mjetet përkatëse, mbrojtëse kundra zjarrit.
Një faktor tjetër që ka ndikuar në mosdepërtimin e zjarreve në monumentet e Parkut Arkeologjik, janë edhe itineraret brenda Parkut, ku në asnjë prej tyre, nuk ka prezencë vegjetacioni, që të ndihmonte në depërtimin e zjarrit!
Aktualisht, nuk ka asnjë vatër zjarri në Parkun Arkeologjik të Finiqit, në monumentet e vizitueshme të këtij Parku, pasi është bërë e mundur shuarja e tij nëpërmjet ndërhyrjes nga ajri me helikopter, nga toka me zjarrëfikëse, ku kanë qënë në ndihmë edhe punonjësit e Sektorit Sarandë (në varësi të DRTK Vlorë) dhe të Parkut Arkeologjik të Finiqit.
E vetmja vatër aktive, është në skajin më verior të Parkut Arkeologjik, nën kodër, pranë fshatrave Blerimas dhe Buronjë, ku në këtë të zonë nuk ka asnjë prezencë monumenti të njohur deri më sot, si dhe ku po ndërhyet nga ajri me helikopter dhe nga toka me zjarrfikëse, për shuarjen e tij.
Së shpejti Komunës së Suharekës do ti finalizohen punimet në Shtëpinë e Kulturës. Kështu ka bërë të ditur ministri i MKRS-së, Hajrulla Çeku, dhe përpos njoftimit ai ka ndarë edhe disa pamje nga investimet në këtë objekt./ KultPlus.com
Më 26 gusht do të hapet ekspozita “Fryma e Dashurisë,” që do të mbahet në “Sheshin Nëna Tereza” në Prishtinë.
“Kjo ngjarje, e organizuar nga “Organizata Shqiptaria” dhe “Artistët për Artistë,” është një homazh i përzemërt për humanisten dhe shenjtoren Nënë Tereza, e cila i kushtoi jetën e saj shërbimit ndaj të varfërve dhe të nevojtarëve”, thuhet në njoftimin e organizatorëve.
“Në këtë ekspozitë, artistët do të sjellin në jetë frymëzimin dhe dedikimin e Nënë Terezës përmes veprave të tyre artistike. Pikturat e ekspozuara do të pasqyrojnë mesazhin e dashurisë, mirësisë dhe ndihmës që ajo përçonte, duke na kujtuar rëndësinë e përhapjes së dashurisë dhe kujdesit ndaj njëri-tjetrit. Nënë Tereza, me jetën dhe veprën e saj, mbetet një simbol i përkushtimit dhe altruizmit. Kjo ekspozitë, e cila mbahet në sheshin që mban emrin e saj, është një mënyrë për të nderuar kujtimin dhe trashëgiminë e saj të paharrueshme. Kjo është një mundësi unike për të reflektuar mbi vlerat që ajo përfaqësonte dhe për të nxitur ndjenjën e solidaritetit dhe humanizmit në shoqërinë tonë” thuhet në këtë njoftim./ KultPlus.com
Një vepër e katërt artistike e Banksy e zbuluar në Londër është vjedhur pak pasi është zbuluar. Banksy ka marrë përsipër autorsinë e kësaj, ashtu siç bën gjithnjë, me anë të një postimi në instagram.
Të enjten, artisti i rrugës me bazë në Bristol postoi një imazh në Instagram të siluetës së një ujku që ulërinte në Hënë, e cila ishte në fakt një antenë televizori, në Rye Lane, Peckham, në jug të Londrës.
Ekipi i shtypit i Banksy i tha BBC-së se ata “besonin” se ishte vjedhur.
Policia Metropolitane tha se ishte thirrur për raportime për një “antenë të vjedhur që përmbante vepra arti”, por nuk ishte bërë asnjë arrestim.
Një burrë duket se ka dëshmuar të gjithë ngjarjen. Ai është shrpehur se i ka parë burrat me maska teksa merrnin antenën dhe i ka filmuar ata, madje pati edhe një konfrontim fizik me hajdutët.
Vepra artistike ishte e katërta e Banksy që u zbulua në Londër që nga e hëna. Artisti i rrugës pretendoi gjithashtu meritën për tre kompozimet e tjera të siluetave të zeza, të cilat u shfaqën nëpër kryeqytet si pjesë e një serie me temë kafshësh./ KultPlus.com
Kjo do të jetë një Olimpiadë e paharrueshme për Alice Finot. Pavarësisht se nuk fitoi një medalje në Paris 2024, vrapuesja franceze e distancave të mesme arriti një sukses të jashtëzakonshëm personal në 3000 metra me pengesa, edhe pse përfundoi e katërta.
33-vjeçarja franceze arriti të zbresë nën 9 minuta për herë të parë në karrierën e saj, duke vendosur një rekord të ri evropian me kohën 8’58″67.
Menjëherë pas garës ajo i propozoi për martesë partnerit të saj spanjoll. Vendimi për këtë u mor nga atletja franceze, bazuar nga arritja e objektivit të saj për të vrapuar nën 9 minuta, numër që ajo e konsideron me fat, pasi përkon me vitet e kaluara së bashku me partnerin.
Ajo i dhuroi bashkëshortit të saj të ardhshëm, një spilë ku shkruhej “Dashuria është në Paris”. Kjo arritje e dyfishtë, personale dhe sentimentale, e bëri përvojën e Alice Finot në Lojërat Olimpike të Parisit një moment të paharrueshëm dhe unik në jetën dhe karrierën e saj.
Më shumë se një vit, Medaur Sadrija është duke mbushur sallat e teatrove të ndryshme në shtetet gjermanofolëse, i cili me Stand Up Comedy është duke e bërë për vete audiencën e shumtë në Austri, Zvicër e Gjermani, shkruan KultPlus.
Medaur Sadrija që së fundi është nominuar edhe për Swiss Comedy Award në kategorinë “Best Talent”, talentin e tij për këtë fushë e ka zbuluar qysh kur ishte shtatë vjeç, dhe kreativitetin e tij për këtë fushë nuk e ka ndërprerë asnjëherë, deri sa ka prekë edhe magjinë e skenës.
“Që në moshë të re kam kuptuar se shumë më pëlqen të bëj komedi dhe të bëj njerëzit të qeshin. Më ka bërë të lumtur të shoh që mund të bëj dikë të qeshë”, ka thënë Sadrija për KultPlus, i cili ka shpjeguar më pas se komedia që e prezanton para audiencës më shumë është ajo klasike.
Por momenti kur mori kthesë për profesionin e Medaurit, ishte kur e kishin angazhuar në një shfaqje teatrale të shkollës, kur i kishte pas vetëm 8 vjet.
“Kam luajtur një baba që flinte dhe të gjithë qeshnin. Që nga ajo ditë jam dashuruar me këtë art”, ka thënë Sadrija, i cili momentin profesional e konsideron atë të paraqitjes së nëntorit të vitit 2022, kur edhe ka filluar të prezantohet para audiencës së gjerë.
Ajo çka e bën të veçantë këtë artist shqiptar para audiencës gjermane është se Medaur Sadrija tekstet i bazon të vetja e tij, familja, trajton temat e emigrantëve, gjithnjë duke përfshirë vetën si fëmijë i emigrantëve, që sipas tij, e bëjnë interesante edhe dallimet mes edukimit të tij si fëmijë dhe edukimit të fëmijëve gjermanë.
“Përfshirja e jetës së shqiptarëve, mënyrës se si jetojmë, dallimet mes shqiptarëve dhe gjermanëve, edukimit dhe shumë elementeve të tjera e bëjnë komedinë time që të mirëpritet. Po, po nëpërmjet shfaqjeve të mija jap edhe mesazhin se pavarësisht dallimeve, nuk jemi aq të ndryshëm se sa mendohet” ka thënë Sadrija.
Arsyeja që pse ka futë elemente të kulturës shqiptare, ai ka thënë se vetëm nëpërmjet artit mund edhe të promovojmë kulturën tonë edhe përtej Kosovës, në këtë rast nëpërmjet komedisë.
“Dua t’u tregoj njerëzve një pjesë të kulturës sime dhe t’u hap një derë për ta eksploruar atë. Gjithashtu flas shumë për paragjykimet me të cilat ne shqiptarët përballemi, dhe tregoj se sa absurde dhe qesharake janë ato. Unë shpjegoj dhe i zgjas dorën publikut, metaforikisht, për të qeshur së bashku për këto gjëra. Sepse asgjë nuk i lidh njerëzit më shumë se sa humori”, ka thënë Sadrija.
Ndërkohë, se nëse do të mund të paraqitet në një të ardhme të afërt edhe në gjuhën shqipe, Sadrija ka thënë se një dëshirë të tillë e ka qysh moti, por duke qenë se ky lloj arti do një komunikim më të rrjedhshëm me audiencën, ai ka thënë se një komunikim i tillë është pak më problem, për faktin se gjuhën shqipe nuk e ka po në atë nivel sa të paraqitet në një skenë të komedisë.
“Në skenë duhet të reagosh shpejt dhe të jesh shumë i aftë gjuhësisht për t’i përcjell mirë shakatë”, ka thënë Sadrija, i cili është duke punuar që të përmirësojë edhe gjuhën shqipe po në atë nivel sa të prezantohet edhe në skenë.
Edhe përkundër faktit se nuk është gjatë në skenë, Sadrija në fund ka potencuar mirënjohjen për nominimin e tij në Swiss Comedy Award në kategorinë “Best Talent”, dhe se këtë nominim, sipas tij ia dedikon të gjithë fëmijëve, prindërit e të cilëve duhej të linin vendin e tyre të lindjes për të filluar nga e para diku tjetër.
“Ia dedikoj këtë nominim të gjithë fëmijëve , prindërit e të cilëve duhej të linin vendin e tyre të lindjes për të filluar nga e para diku tjetër, të cilët për këtë arsye e kishin më të vështirë të pranoheshin në shoqëri dhe që me pak burime duhej të arrinin gjithçka”, ka thënë Sadrija, i cili poashtu është shprehur të jetë krenar edhe për faktin se është shqiptari i parë i nominuar për një çmim Stand-Up Comedy”. Medaur Sadrija tashmë është angazhuar në disa projekte, të cilat pritet të shfaqen në një të ardhme të afërt./ KultPlus.com
Ora shqiptare Primordial Passion që ka vlerë 1. 3 milion dollarë po konsiderohet si një ndër orët më të veçanta, dhe si e tillë po konkurron në Grand Prix d’Horologeria de Geneve, konkurrim përkrah brendeve të njohura botërore, shkruan KultPlus.
Tri ngjyra ngërthejnë bukurinë në orën e parë shqiptare: të kuqe, të zezë dhe ngjyrën e artë, dhe jo vetëm ngjyrat e karakterizojnë këtë orë.
E realizuar në ari të verdhë në 18 K, mu në mes të orës është edhe llogoja e krijuesit të kësaj ore, Pirro.
12-të valltarë, katër muzicientë që luajnë në fyell, gajde, çifteli e lahutë përbëjnë mjeshtërinë e kësaj ore që ka përfshirë kaq shumë kulturë shqiptare dhe finesë artistike.
KultPlus ju sjell edhe pamje nga kjo orë prej këndeve të ndryshme, të cilat janë publikuar nga krijuesi i kësaj ore super të veçantë. / KultPlus.com
Gëzim Muriqi e ka realizuar shtatoren e Gjergj Kastriotit, shtatore që do të përurohet më 30 gusht në Hora të Arbëresheve, dhe një realizim i tillë padyshim do të mbetet si një ndër emocionet më të mëdha për artistin.
Në një intervistë për KultPlus, Muriqi ka thënë se kërkesa për realizimin e një shtatoreje për një prej figurave më të rëndësishme të kombit shqiptar, Gjergj Kastriotit ka ardhë nga bashkatdhetarët që jetojnë në Zvicër.
“Respektivisht çdo gjë ka filluar me Veli Berishën, të cilit më pas i janë bashkëngjitë edhe: Rexhep Rifati , Adnan Asllani e Ramadan Morina, kurse iniciativën e drejton shoqata “Hora e Arbëresheve” me seli në Zvicër”, ka thënë Muriqi për KultPlus.
Kjo shtatore po përurohet si shenjë mirënjohje për komunitetin arbëresh në Itali, të cilët ruajtën kulturën arbërore për shumë shekuj, kulturë që vazhdojnë ta ruajnë edhe në ditët e sotme.
Muriqi ka thënë se shtatorja është e lartë afërisht 300 cm, kurse modelimi i shtatores deri në derdhjen në bronz e ka realizuar afërisht për katër muaj.
Muriqi ka thënë se nuk është hera e parë që si artist të jetë marr me figurën e Gjergj Kastriotit, pasi që, sipas tij ai edhe më herët është marr me këtë figurë të rëndësishme të kombit, qoftë si grafikë apo gravurë, dhe se sipas tij, figura e Gjergj Kastriotit mbetet figura më sfiduese për shumë artistë të fushave të ndryshme.
30 gushti kur edhe do të shënojë përurimin e shtatores, në të njëjtën kohë shënon edhe përvjetorin e zbarkimit të arbëreshëve në Horë të Arbëresheve, qysh para pesë shekujve.
Muriqi ka thënë se do të jetë i pranishëm në Horë të Arbëreshëve me rastin e përurimit të shtatores, dhe se sipas tij, të pranishëm në këtë përurim do të jenë tre presidentë: Kosovës, Shqipërisë dhe Italisë.
Muriqi përderisa është në ethet e kësaj ngjarje të madhe, ka thënë për KultPlus se së fundi është në fazën përgatitore për realizimin e dy shtatoreve për dy personalitete të njohura, të cilat do të zbulohen së shpejti./ KultPlus.com
Luan Durmishi i cili është i njohur me një stil të veçantë në fushën e muzikës, së fundi ka publikuar videoklipin e këngës “Përsëritja”, shkruan KultPlus.
Kjo këngë vjen me një dinamikë të theksuar, që është brenda stilit të këngëtarit Durmishi.
KultPlus ju sjell këtë projekt të fundit është lansuar në të gjitha platformat zyrtare të Luan Durmishit./ KultPlus.com
Kryeministri Kurti dhe ministrja Haxhiu kanë vizituar Kampin Veror për fuqizim të Familjes. Për këtë vizitë ka njoftuar ministrja Haxhiu.
“Së bashku me kryeministrin, ishim për vizitë në Kampin Veror për Fuqizim të Familjes.
Në këtë aktivitet të organizuar nga SOS Fshatrat e Kosovës, pjesëmarrës ishin më shumë se 40 fëmijë të cilët përmes lojës shprehnin talentet e tyre në art, sport dhe fusha tjera.
Jam e lumtur që Ministria e Drejtësisë në këto dy vitet e fundit ka adresuar një pjesë të reformës në shërbime sociale dhe familjare dhe të ngrisë fondet për këto shërbime.
Janë këta fëmijë të cilët kanë nevojë për shërbime cilësore, prandaj ne do të vazhdojmë me përkushtim maksimal të punojmë në drejtim të realizimit të reformës së plotë të shërbimeve sociale”./ KultPlus.com
Imane Khelif do të luftojë për medaljen e artë olimpike pas një tjetër fitoreje dominuese në ring.
Algjeriania, 25 vjeçe, bllokoi zhurmën e grindjes gjinore për të mbajtur fokusin e plotë në detyrën e saj në dorë.
Pasi bëri thirrje për t’i dhënë fund “bullizmit” , ajo mposhti pa mëshirë Janjaem Suwannapheng, 23 vjeç, për të arritur në finalen e së premtes.
Ka pasur një protestë nga shumë njerëz në botën e boksit, me legjendën e boksit, Barry McGuigan, duke u thënë shefave olimpikë që të ulin kokën nga turpi dhe fituesi i medaljes së artë Nicola Adams e quajti situatën të padrejtë dhe të rrezikshme.
Programi BA. Nutricion & Fitnes në UNI është i veçantë për faktin se është i vetmi program BA i akredituar në Kosovë. Ky program aplikohet në fusha të ndryshme, duke filluar nga mjediset spitalore, agjencitë qeveritare e deri tek programet atletike.
Nutricionistët e akredituar janë pjesë integrale e çdo ekipi të kujdesit shëndetësor. Tani, me studimet e programit të akredituar BA në Nutricion & Fitnes në UNI, studentët kanë mundësi të zgjedhin një profesion dinamik, që po evoluon vazhdimisht për të përmbushur nevojat shëndetësore të konsumatorëve.
Studentët e regjistruar në këto programe do të ketë mundësinë të përfitojnë nga një edukim të klasit botëror dhe të zhvillojë aftësi të specializuara për sukses në këto fusha profesionale.
Regjistrimet kanë filluar! Mos e humbisni mundësinë për të krijuar suksesin tuaj me edukim amerikan, të fuqizuar nga Arizona State University, universiteti më i madh publik dhe nr. #1 në SHBA për inovacion. Studio në UNI duke aplikuar këtu!
UNI-Universum International College vazhdon të investojë në ofrimin e mundësive të shkëlqyera edukative dhe të mbështesë zhvillimin profesional të studentëve UNIK duke i mundësuar atyre të kontribuojnë në zhvillimin e shoqërisë dhe industrisë në tërësi.Për më shumë informata, kontaktoni në: +38344144062, [email protected] ose ndiqni UNI në Facebookdhe Instagram.
Artistja shqiptare me famë botërore, Dua Lipa është nominuar në tri kategori në MTV Music Video Awards 2024.
Ajo edhe sivjet u nominua për ‘këngën më të mirë pop’, për ‘koreografinë më të mirë’ në “Houdini” që u realizua nga ‘Charm La’Donna’ si dhe për ‘kinematografinë më të mirë’ nga Nikita Kuzmenko për “Illusion”.
Krijuesja e hitit “Levitating” e ka ndarë lajmin e gëzueshëm edhe me ndjekësit në Instagram.
Në 2021, Dua ishte shqiptarja e vetme që u nominua në katër kategori./ KultPlus.com
Kanë filluar xhirimet e filmit artistik të gjatë “Hatixhja dhe Shabani” me regji të Visar Morinës, regjisor që tashmë ka shënuar suksese në festivale të ndryshme të botës, shkruan KultPlus.
Për fillimin e xhirimeve të filmit është bërë e ditur nga faqja zyrtare e Qendrës Kinematografikë të Shqipërisë, të cilët edhe kanë ndarë pamje nga xhirimet.
KultPlus ju sjell njoftimin e plotë.
Filluan xhirimet e filmit artistik me metrazh të gjatë me titull «Hatixhja dhe Shabani», regjia Visar Morina, produksion i «Vicky Bane UG & Schuldenberg Films» GBR, Gjermani, në koproduksion me «On Film Production», Shqipëri, «Eagle Eye Films», Kosovë, «Vertigo», Slloveni, dhe «List Producija», Maqedoni e Veriut.
Ky film është mbështetur financiarisht nga Qendra Kombëtare e Kinematografisë, në kategorinë koproduksion në pakicë (minority coproduction), dhe EURIMAGES./ KultPlus.com
Gazeta “Rilindja”, e cila për herë të parë ka dalë më 12 shkurt të vitit 1945 në Prizren, konsiderohet ndër pjesët më të rëndësishme të historisë sonë, si gazeta e parë në gjuhën shqipe në Ish Jugosllavi, shkruan KultPlus.
Më 7 gusht të vitit 1990 gazeta Rilindja u ndalua me forcë nga Serbia, që atë kohë kishte okupuar Kosovën, derisa edhe gjatë ditës forcat policore serbe të armatosura i bënin shtetrrethim redaksisë së gazetës.
Gazeta shtypej në Shtypshkronjën Shtetërore në Prizren nga numri 1 deri në 60-të. Numri 61 i gazetës faqoset dhe shtypet në Prishtinë në Shtypshkronjën Krahinore të Frontit Popullor. Nga 29 Nëntori 1958 “Rilindja” vazhdon rrugëtimin e saj si gazetë e përditshme.
Më 5 shtator 1990, nga pushtetit serb u ndalua botimi i saj, ndërsa pas hyrjes së forcave të NATO-s, më 12 qershor 1999 ajo del përsëri, por këtë here me faqe të shtuara dhe një pjesë e tyre me ngjyra, kurse nga viti 2009 nuk botohet më.
Mund të thuhet lirisht se “Rilindja” ka qenë edhe çerdhe e ngritjes intelektuale pasi ajo ka tubuar në gjirin e saj intelektualë në zë që më pastaj kanë bërë emër në letërsinë, artin, shkencën e Kosovës dhe më gjerë.
