Në Galerinë e Arteve në Shkodër do të prezantohen dy ekspozita në të njëjtën kohë, dhe sipas organizatorëve të dy këto prezantime janë prezantime me dy energji krijuese, shkruan KultPlus.
Luljeta Rama Mucaj dhe Anton Krasniqi janë artistët që do të prezantohen me ekspozitat e tyre, të cilat para audeincës shkodrane do të prezantohen më 15 shtator.
KultPlus ju sjell të plotë njoftimin e Galerisë së Arteve të Shkodrës./ KultPlus.com
“Bota jonë” është filmi i fundit i regjisores së re kosovare Luana Bajrami, e cila do të prezantohet sonte me premierë botërore në Festivalin e Venecias, shkruan KultPlus.
Ky film është realizuar në bashkëprodhim mes Kosovës dhe Francës dhe për audiencën e Venecias do të shfaqet në ora 21:00, në sallën Giardino, në kategorinë “Orizzonti”.
Me role kryesore në këtë film do të paraqiten aktorët: Don Shala, Tristan Halilaj e Armend Smajli, kurse me role janë përfshirë edhe aktorët: Uratë Shabani, Elsa Mala, Aurora Ferati, Albina Krasniqi, Gani Rrahmani…
Luana Bajrami ka treguar sukses edhe me filmin e saj debutues “Luaneshat e Kodrës”, dhe pritjet janë që edhe me këtë film të shënojë sukses./ KultPlus.com
Fotografia: Queen Productions Ltd.
Pianoja e modelit Yamaha G2 të cilën Mercury e bleu në vitin 1975 dhe e përdori për të kompozuar këngë si “Killer Queen” dhe “Bohemian Rhapsody” u shit në ankand për 2.2 milionë dollarë.
Pianoja e Freddie Mercury-t, frontmenit të grupit “Queen”, mbi të cilin kompozoi këngën “Bohemian Rhapsody”, është shitur në ankand për rreth 2.2 milionë dollarë, raporton Anadolu.
Shtëpia e ankandeve Sotheby’s deklaroi se shoqja e ngushtë e Mercury-t, Mary Austin, e cila trashëgoi pjesën më të madhe të pasurisë së tij, e nxori pianon në ankand si pjesë e shitjes së rreth 1.400 artikujve nga koleksioni privat i artistit.
Pianoja e modelit Yamaha G2 të cilën Mercury e bleu në vitin 1975 dhe e përdori për të kompozuar këngë si “Killer Queen” dhe “Bohemian Rhapsody” u shit në ankand për 2.2 milionë dollarë.
Drafti i tekstit të këngës “Bohemian Rhapsody” u shit për rreth 1.7 milion dollarë. Artikujt e shitur përfshinin kostume skenike, bizhuteri dhe piktura nga koleksioni i gjerë i artit të Mercury-t.
Po ashtu thuhet se nga shitja priten të ardhura rreth 6 milionë funte (rreth 7.5 milionë dollarë), ndërsa një pjesë e të ardhurave do të dhurohen për qëllime humanitare.
Freddie Mercury, i lindur në vitin 1946 në Zanzibar të Tanzanisë, emri i vërtetë i të cilit është Farrokh Bulsara, u shpërngul në Angli me familjen e tij në moshën 17-vjeçare.
Me grupin “Queen” Mercury xhiroi 15 albume në studio. Në vitin 1991, në moshën 45-vjeçare, Mercury vdiq nga pneumonia e shkaktuar nga virusi AIDS.
I frymëzuar nga jeta e tij dhe grupi “Queen”, regjisori Bryan Singer realizoi filmin “Bohemian Rhapsody”, i cili fitoi 4 çmime Oscar, përfshirë çmimin për aktorin më të mirë e cila iu nda aktorit Rami Malek./ KultPlus.com
Në Festivalin Ndërkombëtar të Muzikës DAM, që tashmë po shënon edicionin e 18-të, në mbrëmjen e dytë ka sjell dy instrumentistë të rinj, të cilët kanë treguar zotësinë e tyre në dy instrumente, njëri në violinë e tjetri në piano, shkruan KultPlus.
Audienca e pranishme në Bibliotekën Universitare ka shijuar programin e këtij koncerti me veprat: Edvard Grieg, Eugène Ysaÿe dhe Camille Saint-Sawns, të cilët kanë pas rast të shijojnë edhe paraqitjen e Okrestrës së Harqeve, të cilët ishin pjesë e kësaj mbrëmje.
Ky festival do të zgjasë deri më 9 shtator, kurse edhe në mbrëmjen e sotme do të ketë mbrëmje artistike, që do të paraqiten artistë të përfshirë në kuadër të edicionit të 18-të./ KultPlus.com
Janë shpallë rezultatet e solistëve për shfaqjen operistike “Goca e Kaçanikut” që do të realizohet në këtë sezon vjeshtor, dhe rolin e plakës e kanë fituar dy artistet: Besiana Mehmedi e Teuta Kurti, shkruan KultPlus.
Shfaqja operistike “Goca e Kaçanikut” që është punuar nga kompozitori i njohur Rauf Dhomi do të ketë premierën në nëntor të këtij viti, shfaqje operistike që daton prej vitit 1978. / KultPlus.com
Poeti Arbër Selmani ka mbajtur dje një tjetër lexim poetik. I ftuar nga organizatorët e Shkollës për Mendim dhe Shkrim Kritik në kryeqytet, ai ka lexuar në ditën e fundit të kësaj shkolle disa prej poezive të tij në gjuhën shqipe dhe në gjuhën angleze, shkruan KultPlus.
Ngjarja simpatike ka ndodhur në Rezidencën 17 në Tauk Bahqe, ajo që dikur është njohur më shumë si Biblioteka Hivzi Sylejmani. Selmani, si zakonisht në leximet e tij poetike, përkujdeset që edhe të bashkëbisedojë me audiencën dhe t`ju tregojë atyre për motivet e tij poetike dhe për inspirimet që qëndrojnë të fshehura prapa poezive të tij.
Gjatë këtij takimi poetik, autori i ka dhuruar edhe disa kopje të librave të tij për të gjithë pjesëmarrësit në këtë ngjarje kulturore, në një pasdite të së mërkurës. Mes poezive që Selmani i lexoi në këtë pasdite letrare ishin edhe ‘E kam vendosur burrin në shitje’ dhe ‘I am the main prostitute of this city’, shkruan KultPlus.
Shkolla për Mendim dhe Kritikë organizatohet nga Organizata Pikëpamja në kryeqytet. Qëllimi i shkollës është t’i ofroj të rinjve dhe të rejave mundësi për të marrë aftësi të avancuara me fokus të veçantë në shkrimin dhe mendimin kritik si mjete për tu bërë faktorë ndryshimi në shoqëri e për të adresuar çështje sociale dhe të komunitetit siç janë nevojat, prioritet dhe interesat e rinisë, barazia gjinore, të drejtat e njeriut, jo diskriminimit, ambientit, etj. Gjatë kësaj shkolle, folës para të regjistruarve ishin Aulonë Kadriu, Dardan Hoti, Lura Limani, Dafina Halili dhe Amer Alija. / KultPlus.com
Më 9 shtator do të prezantohet shfaqja operistike “La Traviata” në Stara Zagora të Bullgarisë, shfaqje në të cilën do të prezantohen dy artistë shqiptarë, shkruan KultPlus.
Sopranoja Besa Llugiqi do të prezantohet në rolin e Violetës, kurse baritoni Gëzim Myshketa në atë të Germont, përderisa në këtë shfaqje operistike do të paraqiten edhe artistë të tjerë.
Kjo shfaqje operistike do të paraqitet nën drejtimin e Gaddiel Dombroëner në Antique Theater të Shtëpisë Operistike në Stara Zagora, e që do të nisë në ora 20:00./ KultPlus.com
Tashmë janë shpallë nominimet për çmimin e madh “Gramophone 2023”, çmim për të cilin është nominuar edhe sopranoja e njohur shqiptare Ermonela Jaho, shkruan KultPlus.
Është nominuar nga Warner Classics & Erato, për të cilën është shprehur të jetë falënderuese sopranoja Jaho.
Ajo ka treguar për përvojën e mirë me shumë kolegë të talentuar që kanë punuar në kryeveprën e fundit të Puccinit. “Të gjithë të nominuarit janë fitues në sytë e mi”, ka shkruar Jaho./ KultPlus.com
Javën e kaluar, edicioni i 80-të i Festivalit të Filmit të Venecias u hap në mes të grevës së aktorëve që ka bllokuar Hollywood-in, duke e bërë tapetin e kuq zakonisht të shndritshëm një aferë më të heshtur. Venecia është një nga ngjarjet më të mëdha të festivalit të filmit.
Shpesh shihet si platforma e nisjes për çmimet Oscar, është gjithashtu një platformë për disa nga momentet më të paharrueshme të modës – mendoni hyrjen ikonike të Lady Gaga në 2018 për të promovuar “A Star is Born” me një fustan voluminoz me pupla rozë nga Valentino Haute Couture dhe pamjen bombë të Zendaya në vitin 2021 e veshur me Balmain nudo, që përqafon trupin.
Grevat i ndalojnë aktorët të promovojnë filmat e tyre dhe Venecia është festivali i parë i madh që ka reduktuar si në premierat e filmave ashtu edhe në të pranishmit e famshëm – filmi i Zendaya “Challengers”, për shembull, ishte planifikuar të hapte festivalin, por u tërhoq në minutën e fundit, duke favorizuar një hapje në pranverë. Ndikimi i këtyre tapeteve të kuq të reduktuar shtrihet shumë përtej biznesit të filmit. Festivalet e filmit janë vendi ku filmat kombinohen me të famshëm dhe marka luksoze për të krijuar mundësi të mëdha marketingu.
Efektet e grevave i bëjnë jehonë pandemisë
Ekipet e flokëve dhe grimit të të famshmëve po ndiejnë tension edhe me rezervimet për paraqitjet në tapetin e kuq dhe festivalet e filmit, zakonisht një pjesë thelbësore e rrjedhës së tyre të të ardhurave, të anuluara. Ndërkohë që artistët e flokëve dhe grimit janë në mbështetje të grevës, një përqindje e konsiderueshme nuk mund të përballojnë të kenë boshllëqe të mëdha në kalendarin e tyre ose të gjejnë veten pa punë. Disa madje e krahasojnë situatën me ditët e mbylljeve të Covid.
Artistja veterane e grimit të Hoolywood-it, Rachel Goodwin punon rregullisht me aktorë në festivalin e filmit dhe në qarkun e tapetit të kuq, dhe ishte planifikuar të shoqëronte aktoren Emma Stone në Venecia për të promovuar filmin “Poor Things”. Që kur u shpall greva, të famshmit nuk kanë nevojë për shërbimet e saj. /TAR/
Arbnor Karaliti do të prezantohet me ekspozitë personale në Hamburg të Gjermanisë, përkatësisht në Oel-Fruh Gallery, shkruan KultPlus.
Ekspozita “Can You Hear The Nighthaëks Whispering” do të hapet më 8 shtator dhe do të rri e hapur deri më 23 të po këtij muaji.
Kjo është ekspozita e parë personale e Karalitit që do të prezantohet në Gjermani, kurse në punën e tij ai veçohet për pikturën dhe eksperimentimin me mediume të ndryshme. Në publikimet rreth kësaj ekspozite është shkruar se Karaliti është ndikuar nga përvoja personale, çështjet ekzistenciale, izolimi, tabutë e ndryshme…
Deri më tash është prezantuar në Kosovë, Shqipëri dhe Zvicër./ KultPlus.com
Nga 1 shtatori qytetarët kosovarë kanë të drejtë të kalojnë nëpër Austri me patentë shoferë të Kosovës.
Në njoftimin e fundit nga Ambasada e Republikës së Kosovës në Austri thuhet se nga data 1 shtator 2023, pas ndryshimit të Ligjit Federal të Austrisë dhe aktit respektiv normativ, lejohet kalimi nëpër Austri me patentë shofer të Republikës së Kosovës, përcjell albinfo.at.
Nga ky lehtësim përfitojnë qytetarët e Kosovës që në Austri ndodhen si vizitorë, qytetarët e Kosovës që nëpër Austri kalojnë transit si dhe qytetarët e Kosovës që kanë qëndrim të përkohshëm në Austri.
Ambasada njofton se ky lehtësim nuk vlen ende për të gjithë ata qytetarë të Kosovës, të cilët në Austri kanë qëndrimin e tyre të rregullt me leje qëndrimi.
Lexoni të plotë njoftimin e Ministrisë së Punëve të Jashtme të Kosovës:
Ambasada e Republikës së Kosovës në Austri njofton se që nga data 1 shtator 2023, pas ndryshimit të Ligjit Federal të Austrisë dhe aktit respektiv normativ lejohet kalimi nëpër Austri me patentë shofer të Republikës së Kosovës.
Nga ky lehtësim përfitojnë këto kategori:
Qytetarët e Kosovës që në Austri ndodhen si vizitorë,
Qytetarët e Kosovës që nëpër Austri kalojnë transit,
Qytetarët e Kosovës që kanë qëndrim të përkohshëm në Austri.
Ky lehtësim NUK vlen ende për të gjithë ata qytetarë të Kosovës, të cilët në Austri kanë qëndrimin e tyre të rregullt.
Ambasada e Republikës së Kosovës në Austri dhe institucionet e Republikës së Kosovës do të vazhdojnë angazhimin e tyre intensiv për njohjen e plotë të patentë shoferëve, e cila do të lehtësojë konvertimin dhe zëvendësimin e plotë të lejes së patentave për qytetarët e Republikës së Kosovës me leje qëndrimi afatgjatë në Austri./albinfo.ch/ KultPlus.com
Bebe Rexha ka thyer një rekord të ri në fushën e muzikës, shkruan KultPlus.
Ajo për 50 javë ka arrit të qëndrojë në dy prej top listave muzikore të Billboard, për të shënuar kështu në rekord botëror.
Qëndrimi kaq i gjatë në këto dy toplista është i zhanrit country dhe asaj të electronic./ KultPlus.com
Kori i Grave “Okarina” ka shpall audionin për sezonin e ri artistik, ku ftohen vajzat dhe gratë prej moshës 18 deri më 55 vjeç, shkruan KultPlus.
Për këtë audicion është bërë e ditur nga drejtoresha e këtij kori, Elikona Hysaj Shala, e cila ka treguar se audicioni për sezonin e ri artistik do të mbahet më 9 dhe 10 shtator, prej orës 10:00 deri në ora 14:00 në Qendrën “Okarina” në Prishtinë./ KultPlus.com
Shkencëtarët nga Instituti Weizmann kanë arritur të rritin një model që i ngjan shumë një embrioni të hershëm njerëzor, pa përdorur spermë, vezë dhe mitër.
Ekipi i shkencëtarëve tha se “embrioni i tyre model”, i bërë duke përdorur qeliza staminale, duket si një shembull teksti i një embrioni të vërtetë 14-ditor.
Madje lëshoi hormone që treguan një test pozitiv të shtatzënisë në laborator. Ambicia e modelit të embrionit është të sigurojë një mënyrë etike për të kuptuar momentet më të hershme të jetës sonë.
Java e parë pasi sperma fekondon një vezë është një periudhë ndryshimi dramatik, nga një grup qelizash të paqarta në diçka që përfundimisht bëhet e dallueshme në skanimin e foshnjës.
“Është një kuti e zezë dhe nuk është një klishe – njohuritë tona janë shumë të kufizuara”, tha profesori Jacob Hanna nga Instituti Weizmann, raporton bbc.
Hulumtimi mbi embrionet është ligjërisht, etikisht dhe teknikisht i ngarkuar, por tani ka një fushë në zhvillim të shpejtë që imiton zhvillimin natyror të embrioneve.
Hulumtimi, i botuar në revistën Nature, përshkruhet nga ekipi izraelit si embrioni i parë model “i plotë” që imiton të gjitha strukturat kryesore që shfaqen në embrionin e hershëm.
“Ky është me të vërtetë një imazh tekstual i një embrioni të 14-të njerëzor”, tha Hanna.
Në vend të spermës dhe vezëve, materiali fillestar ishin qelizat burimore që ishin riprogramuar për të pasur potencialin për t’u bërë çdo lloj indi në trup.
Kimikatet u përdorën më pas për të nxitur ato qeliza burimore për t’u bërë katër llojet e qelizave që gjenden në fazat më të hershme të embrionit njerëzor:
qelizat epiblaste, të cilat bëhen embrion (ose fetusi) i vërtetë
qelizat trofoblaste, të cilat shndërrohen në placentë
qelizat hipoblaste, të cilat bëhen qesja mbështetëse e të verdhës
qelizat e mezodermës ekstraembrionale
Profesori Robin Lovell Badge, i cili hulumton zhvillimin e embrioneve në Institutin Francis Crick, tha se këto modele embrionesh “duken mjaft mirë” dhe “duken mjaft normale”. /Telegrafi/ KultPlus.com
7 Shtatori është cilësuar si identitet i historisë së re të Kosovës.
Më 7 shtator të vitit 1990 delegatët e Kuvendit të atëhershëm të Kosovës, që kishin shpallur Deklaratën e Pavarësisë më 2 korrik të atij viti, e formalizuan atë deklaratë me Kushtetutën e Republikës së Kosovës.
Nga protagonistët e miratimit të saj, 7 Shtatori është cilësuar si identitet i historisë së re të Kosovës. Kushtetuta e Republikës së Kosovës është shpallur në Kaçanik, pasi ishte qyteti më i afërt me kufirin me Maqedoninë dhe mundësia e shpalljes së Kushtetutës ishte më e lehtë.
Në atë kohë, Kosova ishte e okupuar tërësisht nga forcat policore dhe ushtarake të ish-Jugosllavisë dhe Serbisë, pasi nga 2 korriku, kur u lexua deklarata e pavarësisë, kishte filluar një aparteid i regjimit të Millosheviçit ndaj Kosovës dhe qytetarëve shqiptarë./ KultPlus.com
Një projektligj që ndalon fjalimin apo mënyrën e veshjes, të cilat konsiderohen të dëmshme për shpirtin e popullit kinez, ka zgjallur mjaft debate në Kinë.
BBC raporton se nëse ligji hyn në fuqi, personat e shpallur fajtorë mund të gjobiten ose të burgosen, por projektligji nuk përcakton ende se çfarë përbën shkelje. Ligji i veshjeve ka tërhequr reagime të menjëhershme nga publiku, më shumë online që e kritikojnë atë si të tepruar dhe absurd.
Sipas propozimeve të diskutueshme, njerëzit që veshin ose detyrojnë të tjerët të veshin veshje dhe simbole që “minojnë shpirtin ose lëndojnë ndjenjat e kombit kinez”, mund të ndalohen në burg deri në 15 ditë dhe të gjobiten deri 680 Dollarë. Po ashtu, ata që krijojnë ose shpërndajnë artikuj ose fjalime që konsiderohen të dëmshme për shpirtin e popullit kinez, mund të përballen me të njëjtin ndëshkim.
Ndryshimet ligjore të propozuara ndalojnë gjithashtu fyerjet, shpifjet apo cënimin e emrave të heronjve dhe martirëve vendas si dhe dëmtimin e statujave të tyre përkujtimore.
Në reagimet e tyre në mediat sociale, njerëzit vunë në dyshim se si zbatuesit e ligjit mund të përcaktonin në mënyrë të njëanshme kur “ndjenjat” e kombit “lëndohen”. Ekspertët ligjorë në vend kanë kritikuar gjithashtu formulimin e paqartë të ligjit, duke thënë se ai mund të jetë i hapur për abuzim./tvklan.al/ KultPlus.com
PriFest tashmë ka prezantuar programin kryesor garyes të filmave të metrazhit të gjatë ballkanik, e në këtë kategori janë pesë filma shkruan KultPlus.
Më poshtë e sjellim programine plotë të këtij festivali.
Jemi të lumtur të prezantojmë seleksionin e programit kryesor garues – filmat e metrazhit të gjatë Ballkanik. 5 filma te mrekullueshëm nga rajoni, që të gjithë premiera në Kosovë.
TOKA BRENDA MEJE – nga Fisnik Maxville/ Zvicër, Kosovë/ Premierë Kosovare (118 min)
Pas shume vitesh ne mërgim, Remo, jetim, kthehet në fshatin e tij të fëmijërisë në Ballkan. Ai duhet të ndihmojë kushëriren e tij te adoptuar, Una, me zhvarrosjen e një varri masiv që përmban shumicën e anëtarëve të familjes së tyre të varrosur atje gjatë luftës. Por trupat zbulojnë sekrete familjare që do t’i bëjnë Remon dhe Unen të vënë në dyshim të kaluarën dhe të ardhmen e tyre. Një film mbi mundësinë e së vërtetës në një vend që di vetëm mbijetesën.
SIRIN – nga Senad Sahmanovic/ Mali i Zi, Shqipëri, Kosovë, Bosnje dhe Herzegovinë/ Premierë Kosovare (90 min)
Ngjarja ndjek Natalinë, e cila u largua nga ish-Jugosllavia menjëherë pas fillimit të luftërave të viteve te 90-ta. Ashtu si shumë njerëz të tjerë nga kjo zonë, ajo emigroi jashtë vendit në kërkim të një jete më të mirë dhe një të ardhmeje më të sigurt. Pas disa vitesh të kaluara jashtë vendit, ajo dëshiron të përshtatet plotësisht me jetën në një mjedis të ri, me dëshiren qe të ndryshojë identitetin e saj dhe të fshijë origjinën e saj. Një rast i pazakontë ligjor në lidhje me trashëgiminë e një gruaje të moshuar të pasur që nuk kishte familje do ta kthejë atë në vendin e saj të origjinës, në Mal tëZi.
BLAGA’S LESSONS – nga Stephan Komandarev/ Bullgari, Gjermani/ Premierë Kosovare (90 min).
Një mësuese e pensionuar e cila ka mbetur e vejë së fundmi bie pre e një mashtrimi telefonik, duke i humbur kështu kursimet e jetës dhe duke mbetur pa para për varrin e bashkëshortit të saj të ndjerë. Jeta e saj përmbyset kur e kupton se nuk ka asnjë mënyrë për t’i kthyer paratë e saj, deri sa merr një ofertë joshëse por të dyshimtë për punë. Gjithcka ndryshon kur ajo i merr gjërat në duart e saj dhe paratë fillojnë të qarkullojne, këtë herë duke shfaqur atributin e saj më të çmuar: Vlerat e saj, pasi ajo transformohet ngadalë në mashtruese. Në këtë dramë/thriller, Stephan Komandarev (“Drejtimet” Un Certain Regard 2017) rrëfen hap pas hapi udhëtimin e një gruaje që vërtitet në ciklin vicioz të realitetit të jetës jashtë rehatisë së saj.
ESCORT – nga Lukas Nola/ Kroaci, Maqedoni e Veriut, Kosovë/ Premierë Kosovare (120 min).
Në një udhëtim pune, Miro kalon natën me një eskortë për herë të parë në jetën e tij pasi dikush ia çon në dhomë të hotelit. Pasi bëjnë seks, ai e gjen vajzën të vdekur në tualet. Miro, një burrë i suksesshëm dhe i lumtur, i martuar dhe baba i dy fëmijëve, mbulon aksidentin fatkeq me ndihmën e dy punonjësve të hotelit. Megjithatë, së shpejti ato fillojnë t’i kërkojnë t’ua kthejë të mirën. Në fillim janë gjëra të vogla, por shpejt kërkesat e tyre dalin jashtë kontrollit. Dy bashkëpunëtorët në “krimin” e tij luajnë papritur një rol të madh në jetën e tij që nuk do të jetë kurrë e njejtë.
NJË FILXHAN KAFE DHE KËPUCË TË REJA VESHUR – nga Gentian Koçi/ Shqipëri, Portugali, Greqi, Kosovë/ Premierë Kosovare (99 min).
Dy vëllezër në të tridhjetat me probleme dëgjimi , binjakë identikë dhe të pandashëm, zbulojnë se për shkak të një sëmundjeje gjenetike do të verbohen gradualisht, por në mënyrë të pakthyeshme. Ata luftojnë plot emocione për t’i dhënë kushteve të tyre ekzistenciale të patolerueshme një kthesë tjetër.
Mirë se vini në edicionin e 15-të të PriFest, nga 12-17 shtator në Kino Armata.
#prifest #forher #vjosaforever./ KultPlus.com
Sopranoja e njohur shqiptare Ermonela Jaho do të mbajë një masterclass në Tiranë, masterclassqë do të mbahet mes satave 2 dhe 5 tetor, shkruan KultPlus.
Për këtë projekt kanë njoftuar nga Teatri i Operës dhe Baletit në Tiranë, dhe ky masterclass do të ofrohet plotësisht pa pagesë për artistët e rinj.
KultPlus ju sjell të plotë njoftimin e këtij institucioni.
Teatri i Operës dhe Baletit hap Thirrjen e Tretë për Masterclass- Bashkëpunues, në programin profesional muzikor “Akademia Teatrale”, që synon evidentimin, promovimin dhe zhvillimin e talenteve të reja në disiplinën lirike.
Nën kujdesin e veçantë dhe mjeshtëror të sopranos ikonike, Ermonela Jaho, e cila hodhi gurin e parë të themelit të këtij programi, nga data
–
tetor, artistët e rinj të moshës 18-30 vjeç, do të kenë mundësinë të trajnohen plotësisht PA PAGESË, rreth teknikës fizike të këndimit, asaj të interpretimit e këndimit, përgatitjes psikologjke të repertorit dhe ndërtimit të një roli.
Aplikimet do të qëndrojnë të hapura deri më datë 25 shtator, për gjithkënd që e ndjen veten të vendosur teknikisht dhe do të përforcojë aftësitë e tyre, nëpërmjet metodave të reja.
Mjafton të dërgoni CV-në, video me performancën tuaj, materialin me të cilin doni të punoni dhe formularin e aplikimit (të cilin e gjeni në website-in zyrtar të TKOB-së) në email-in [email protected].
Të gjithë të interesuarit për të qenë dëgjues të këtij masterclass-i bashkëpunues, pa dallim moshe a profesioni, si dhe mësuesit /pedagogët e interesuar për të bashkëpunuar në ndërtimin e një plani të përbashkët pune me nxënësit /studentët, janë mëse të mirëpritur të na kontaktojnë.
Për çdo informacion e detaj të hollësishëm ju ftojmë të vizitoni WEB-in zyrtar të TKOB-së ose të na shkruani në email-in: [email protected]
Teatri Kombetar i Operas, Baletit dhe Ansamblit Popullor./ KultPlus.com
Bernard Çobaj
Filmi “Pesha e padurueshme e talentit masiv” (The Unbearable Weight of Massive Talent) përmban në titull jehonën e kryeveprës së Millan Kunderës “Lehtësia e papërballueshme e qenies” (The Unbearable Lightness of Existence).
Ngjashmëria në titull sugjeron se mund të ketë diçka të njëjtë, jo në përmbajtje por në mënyrën e rrëfimit. Derisa kryevepra e Millan Kunderës është një koncept filozofik i kthimit apo thënë më mirë rikthimit të përhershëm, ku çdo gjë e përsërit veten në kohë dhe hapësirë, filmi “The Unberable Weight of Massive Talent” është një rikthim i veçantë i Nicolas Cage, në rolin kryesor por edhe atë dytësor.
Cage interpreton një version fiktiv të vetes, po njëkohësisht e luan edhe rolin e Nicky-t, aktorit të ri që po ia merr rolet.
Nicolas Cage (mbiemri do thotë kafaz) luan versionin fiktiv të vetes të quajtur Nick Cage, i cili sikur edhe Nicolas në jetën reale është në rënie të lirë me karrierën e tij – aty janë edhe problemet familjare, raporti i thyer me vajzën dhe borxhet e grumbulluara financiare. Në këtë film Cage lufton ta mbajë gjallë karrierën e përhumbur nga vetja e tij më e re dhe më e suksesshme. Pasi humb një rol kyç në film, ai planifikon të tërhiqet nga aktrimi, por agjenti i ofron një mundësi, fillimisht të paqartë për të takuar miliarderin Javi Gutierrez në Majorka, të luajtur nga Pedro Pascal (i njohur si agjenti Penja në serialin Narcos), të dyshuar nga agjencitë e sigurisë si trafikues i armëve. Javi ka dëshirë që Cage të luaj në filmin e tij dhe ia tregon skenarin që e kishte shkruar vite më parë. . Mes tyre lind kimi e jashtëzakonshme.
Së bashku ata interpretojnë duke ofruar skena fantastike përplot me fjali satirike për absurditetin e famës, trashëgiminë kinematografike dhe vetminë ekzistenciale të të qenurit Nicholas Cage.
Siç thotë alter-egoja (zëri i brendshëm i Nick Cage), i sajuar si roli i tij në “Wild at Heart”, ti nuk je aktor, ti je Nicolas fuckin’ Cage.
Cage ka aktruar në mbi 100 filma dhe rolet e interpretuara nga ai kanë qenë të larmishme por zakonisht të koncentruar në dramë dhe aksion të kryqëzuar me komedi të zezë, kësaj here risia ishte në faktin se ai interpreton një version të trilluar të vetes.
Filmi në aluzionet metapoetike përkujton skena legjendare të filmave të Cage sikur “Leaving Las Vegas”, “Face Off”, “Gone in 60 seconds”, “The Rock” sikur edhe “Adaptation” meta-filmin e parë të Cage, të cilit i referohet në disa skena “The Unbearable Weight of Massive Talent”. Kurse skenat parodike përkujtojnë në disa raste filmin “Hot Shots” me Charlie Sheen.
Filmi qëndron në raport ndërtekstual me “Being John Malkovich”, “Birdman” si dhe me filmin e parë të këtij zhanri “The Last Action Hero”, të John McTiernan me Arnold Shvarceneger.
Cage në film shprehet se puna e tij është për të bërë filma, si përgjigje ndaj kritikave se prodhon shumë filma të produksioneve B – Cage thotë se i duhet vetëm një film që të kthehet në lojë.
Duket që ky është ai filmi – mozaik i ndërlikuar i filmit në film, ku Nicolas Cage mund të ketë qëlluar me filmin për të dalë nga kafazi i produksioneve B dhe për Nick Cage filmi në film i sjellë shpërblim në fund.
Në film shkrirja e elementeve parodike që i referohen zhanreve të ndryshme të roleve të Cage krijon skena të jashtëzakonshme komike dhe pastaj shndërrohet në triler, ku Cage merr rolin e agjentit të fshehtë, të angazhuar nga CIA, që e çon kah finalja e filmit – transformimi në modelin e roleve nga filmat më shembullorë aksion të tij për të shpëtuar familjen si dhe karrierën e vet në rrafshin real.
Skena e Cage i maskuar (ala Mission impossible- Tom Kruz) me tuta sportive të klubit të futbollit Napoli, në rolin e mafiozit italian, është mbresëlënëse dhe “mu qesh me plas”.
Filmi është shembull ilustrativ i postmodernizmit dhe në këtë çelës interpretues shikohet./ KultPlus.com
Presidentja Osmani bashkë me Institutin e Trashëgimisë Shpirtërore dhe Kulturore të Shqiptarëve- Shkup mbollën bredhin e Nënë Terezës në oborrin e Presidencës së Kosovës
Presidentja e Kosovës, Vjosa Osmani, në kuadër të manifestimit tradicional “Ditët e Nënë Terezës”, bashkë me drejtorin e Institutit të Trashëgimisë Shpirtërore dhe Kulturore të Shqiptarëve- Shkup, Skënder Asani dhe biografin e Nënës Terezë, Don Lush Gjergji, sot në oborrin e Presidencës së Kosovës, në kujtim të Shën Terezës, mbollën bredhin me farat e bredhit të shkatërruar të Nënë Terezës.
“Ky bredh, i mbjellë sot, simbolizon dëshminë e veprës së Nënë Terezës në shërbim të njerëzimit, vullnetin e saj për t’i shërbyer atij. Nënë Tereza gjeti gjithmonë forcë që dhimbjen e saj, të popullit të saj dhe të të gjithë të vuajturve ta kthejë në dashuri për njerëzimin, në vepër të përvuajtur në shërbim të të varfërve, madje, sikur thoshte vetë, në shërbim të më të varfërve ndër të varfrit”, tha presidentja Osmani.
“Ndërkaq, drejtori i Institutit të Trashëgimisë Shpirtërore dhe Kulturore të Shqiptarëve-Shkup, Skënder Asani, tha se bredhi dedikuar Nënë Terezës simbolizon lidhjen mes njerëzve, popujve e vendeve. Shembulli i saj në shërbim të njerëzimit është modeli më i vyer, të cilin ne mund ta njohim”, thuhet në njoftim.
Përfaqësuesja e Zvicrës ka publikuar listën me 24 futbollistë të ftuar për ndeshjet e muajit shtator.
Helvetikët do t’i zhvillojnë dy ndeshje në muajin shtator, fillimisht ndaj Kosovës më 9 dhe tre ditë më vonë presin Andorrën.
Për këto dy takime trajneri Murat Yakin ka ftuar 24 futbollistë, ku ka edhe emra të rinj në listë.
Por katër futbollistë shqiptarë me fanellën e Zvicrës do të luajnë në Prishtinë kundër Kosovës.
Aty janë si gjithmonë Xherdan Shaqiri e Granit Xhaka si dhe Ardon Jashari. Ftesë ka marrë edhe mesfushori Uran Bislimi i cili kishte luajtur edhe për Kosovën A, por në fund vendosi mos ta hapte më telefonin duke zgjedhur Zvicrën.
Zvicra i prin Grupit I me 10 pikë pas katër ndeshjeve, derisa Dardanët kanë vetëm tre pikë.
Ndeshja mes Kosovës dhe Zvicrës zhvillohet më 9 shtator me fillim nga ora 20:45 në stadimin ‘Fadil Vokrri’.
“Blue blossom” një vepër e re artistike nga Sislej Xhafa, e krijuar si rezultat i rezidencës së tij artistike në Mallorca, program i Galerisë “Continua”, do të shfaqet sonte në “La Residenca – A Belmond Hotel” në Spanjë.
Në vend të një ekrani, poshtë logos së ATM-ve, ka një fole zogjsh. Një ekuilibër midis natyrës dhe kulturës bëhet thellësisht i dukshëm si një fole familjare, që përfaqëson sigurinë, kujdesin dhe vlerën. Për më tepër, instalacioni eksploron migrimin përmes zogjve si një simbol i lirisë, aventurës dhe dëshirës për të kërkuar përvoja të reja.
Qëllimi i artistit është të krijojë një vepër që ngre pyetje dhe inkurajon mendimin kritik për çështje si ndryshimi i klimës dhe ndikimi njerëzor në mjedis.
Xhafa njihet për hulumtimin e tij artistik në realitetet sociale, ekonomike dhe politike të lidhura me kompleksitetet e ndryshme të shoqërisë moderne. Duke praktikuar në mënyrë indiferente një gamë të gjerë mediash, nga skulptura te vizatimi, nga performanca te fotografia, Xhafa po vazhdon parreshtur të prezantojë plot dinjitet artin kosovar nëpër botë./ KultPlus.com
Një nga momentet e rëndësishme të kësaj vere përsa i përket muzikës elektronike, përfaqësimit ballkanik në skenën e techno-s dhe ndërthurjen me artin bashkëkohor i gjejmë në Berlin, javën e fundit të gushtit mes ‘Berlin Beats’ dhe një programi me artistë vendas në Gjermani të muzikës elektronike, por jo vetëm.
Më 26 gusht (ditën e shtunë), Oda Haliti, një ndër pioneret e muzikës elektronike në Ballkan, do të performojë në ditën më të rëndësishme të ‘Berlin Beats’ të ‘Hamburger Bahnhof’ në atë që quhet “Lange Nacht der Museen zu Berlin” (Nata e gjatë e muzeve) me një repertor të kuruar të muzikës industrial techno, breaks etj.
DJ Oda Haliti njihet ndër të tjera si performuese në shumë skena të rëndësishme evropiane të muzikës elektronike si dhe si nismëtare e një rryme alternative në vendin e saj. Pjesëmarrja në Berlin Beats shënon një tjetër sukses e parë kjo për nga rëndësia dhe emrat pjesëmarrës të mirënjohur botëror të programit, por edhe të qasjes që ka në mjediset e entuziastëve të kulturës. Në ‘Berlin Beats’ përveç emrave të njohur botëror siç janë: Ellen Allien, David August, Metaraph, Oda Haliti është e vetmja artiste jo-vendase që do të interpretojë në natën më të rëndësishme te vitit në Berlin, që pret një audiencë të jashtëzakonshme e adhurues të panumërt të artit dhe muzikës.
Oda Haliti do të performojë në hapësirën e jashtme të ‘Hamburger Bahnhof’, një nga muzetë më të vlerësuar e më të rëndësishëm të artit bashkëkohor në botë. Kjo ndërtesë është thellësisht e prekur nga ngjarje të ndryshme historike, që para dy shekujsh, duke qenë si fillim një stacion treni e sot është e vetmja ndërtesë e këtij tipi që mbart historinë me vete që prej shekullit të XIX.
Prej vitin 1996, tanimë bëhen rreth 27 vjet, ‘Hamburger Bahnhof’ ka marrë trajtën e një muzeu dhe sot është ndër hapësirat më me rëndësi në botë përsa i përket praktikave të artit bashkëkohor.
Kjo natë e festës së të gjithë muzeve në Gjermani, bëhet bashkë me muzikën e DJ Oda Halitit, në zemër të qendrës së artit dhe kulturës në Berlin. / KultPlus.com
Zyra Ndërkombëtare në UNI – Universum International College, është prej instancave më aktive në këtë institucion. Përmes kësaj zyre, shumë studentë kanë arritur të përfitojnë bursa semestrale jashtë vendit.
#UNI-Universum International College mbështetur nga Arizona State University është institucioni numër #1 në rajon për numrin e universiteteve partnere dhe mundësitë për studime jashtë vendit.
Gjermania mbetet si top destinacioni për studentë të Universum International College. Spanja është top destinacion për stafin akademik dhe administrativ të Universum duke u pasuar nga Portugalia dhe Polonia.
UNI Study Abroad Office ka përfunduar vitin akademik 2022/2023, duke implementuar 372 shkëmbime gjatë këtij viti akademik. Ndërsa, numri i përgjithshëm i Erasmus+ mobiliteteve të realizuara nga Kolegji Uiversum është 1.234 studentë dhe staf.
Një prej tyre është edhe Ensara Halilaj e cila më tutje do na tregoj për eksperiencat e saj në Universitetin Vechta të Gjermanisë.
“Ka një shumëllojshmëri zgjedhjesh dhe vendesh të këndshme të cilat UNI t`i ofron për të studiuar për një semestër. Pas hulumtimit dhe mendimit të kujdesshëm, destinacioni përfundimtar për mua ishte Universiteti i Vechta-s në Gjermani. Kjo zgjedhje ishte e menduar mirë dhe ishte i përsosur për qëllimet dhe synimet e mija. Aty përjetova një sistem të ri të arsimit dhe një kulturë ndryshe, zhvillova shkathtësitë gjuhësore dhe fitova njohuri të reja që do më shërbejnë në të ardhmen”.
Mundësitë të cilat i ofrohen studentëve gjatë studimeve jashtë vendit janë të shumta që nga banimi, udhëtimet e deri tek shkëmbimi i kulturave me student nga e gjithë bota, këtë më së miri e potencon vetë Ensara.
“Kampusi ka ndërtesa moderne të dedikuara për laboratorët, bibliotekën dhe resurset e avancuara të mësimit. Kjo gjithë përfshirje e mundësive dhe resurseve e bën kampusin një vend të frytshëm për të mësuar, eksploruar dhe zhvilluar potencialet e studentëve në mënyrë të aftë dhe të frytshme.”
Krahas mundësive më të mira të studimit, qëndrimi në vendet Evropiane pasurohet edhe me vizita në vendet më të mira të Shteteve që zgjedhin të studioni, siç e potencon më tutje Ensara.
“Nëpër udhëtimet e mija gjatë qëndrimit në Gjermani, kam eksploruar qytete të njohura si Bremen, Münster, Hamburg dhe Hannover, duke kaluar nëpër rrugët e tyre karakteristike dhe duke zbuluar kulturat e ndryshme të këtyre destinacioneve. Kjo larmi e bëri përvojën time edhe më të pasur dhe të frytshme, duke u njohur me peizazhe të ndryshme dhe duke shijuar pamjet e bukura që çdo qytet ofron.”
Përveç Gjermanisë Ensara vizitoi edhe Alpet Zvicerane.
“Në këtë udhëtim të veçantë, kam pasur mundësinë të përjetojë një kulturë të re dhe peizazhe të mahnitshme të Alpeve Zvicerane”
Përgjatë qëndrimit për një semestër studentët kanë mundësinë që përveç vizitave në vende të ndryshme, ata njohin edhe shumë njerëz dhe kultura të ndryshme, siç vazhdon më tutje Ensara.
“Për pesë muajt e programit të shkëmbimit, ndjenja ishte sikur kisha udhëtuar në një botë të tërë, ndonëse kisha vizituar vetëm një pjesë të Evropës. Studentët ndërkombëtarë nga shumë vende të botës u bashkuan në një qytet dhe shkollë. Kam krijuar miqësi me shumë studentë nga kontinente të ndryshme, përfshirë Korenë e Jugut, Meksikën, Poloninë, SHBA-në, Greqinë, Gjermaninë dhe vende të tjera të Amerikës Latine.”
Bëhu #UNI dhe përfito bursë të plotë semestrale Erasmus+ dhe studio në një nga 221 universitetet partnere të #UNI në Evropë
#Apliko këtu: https://universum-ks.org/apliko/
