Në kopshtin e Kino Lumbardhit në Prizren, të hënën në mbrëmje u mbajt festivali i këngës për fëmijë “Fluturat 2017”, përcjellë KultPlus.

Juria e festivalit: Xhylfidane Hoxha, Gazmend Kraja dhe Shefqet Hoxha – Sheki, çmimin e parë ia kanë ndarë këngës “Duet me dallëndyshet” kënduar nga Mario Zja, ndërsa e kompozuar nga Ylli Kalaja. Shpërblimin e parë e ndau ministri i Ministrisë së Kulturës Kujtim Gashi. Vendin e dytë juria ia ndau këngës “Kush e hëngri mjaltin e kënduar nga Emi Bakia , ndërsa e kompozuar nga Artan Bakia.

Vendi i tretë iu nda këngës “Udha e re: e kënduar nga Ela Kazaz e kompozuar nga Reshit Ismet.
Dueti më i mirë u vlerësua dueti: Zana dhe Edon Ramadani, ndërsa për paraqitje më të mirë skenike u vlerësua Kejixhi Bilalaj.

Gjithashtu u nda edhe shpërblimi i revistës “Fidani” për tekstin më të mirë. Kryeredaktori i Revistës “Fidani” Berat Batiu, “Penën e artë” ia ndau tekstit të këngës “Princeshat” të autores Hatixhe Ademaj.
Në ndarje të çmimeve Gazmend Kraja shprehu kënaqësinë që ishte pjesë e festivalit, siç tha ai mirë të organizuar. “Iu urojmë këtyre fëmijëve që kur të rriten t’i shohim nëpër festivale të mëdha” tha Kraja./KultPlus.com