“Kosova” e rilindur, shkolla simbol e historisë së Tiranës u hapi sot fëmijëve dyert e të ardhmes, si mishërimi i ambicies së qeverisë për Tiranën dhe Shqipërinë që duam.

Duke shpërndarë pamje nga ambientet e rikonstruktuara të kësaj shkolle, Kryeministri Edi Rama uroi një vit të gëzuar e të suksesshëm shkollor për të gjithë nxënësit.

“Mirëmëngjes dhe pas një lufte afro pesëmbëdhjetë vjeçare, me ata që e morën padrejtësisht si pronë, me ata që e dogjën, pabesisht si godinë, me ata që përmes gjykatësish të korruptuar donin ta kthenin këndin e saj historik në pallat, kam kënaqësinë t’ju uroj të gjithëve një vit të gëzuar e të suksesshëm shkollor, me “Kosovën” e rilindur, shkollën simbol të historisë së Tiranës që sot u hap fëmijëve dyert e të ardhmes, si mishërimi i ambicies sonë për Tiranën që duam, për Shqipërinë që duam”, shkruan Rama./ KultPlus.com