Nesër, e shtunë, 15 Shtator 2018 mbahet festivali i valleve për fëmijë “Ylberi i Prishtinës” 2018. Defileu i ansambleve fillon në ora 17:00 nga Sheshi “Adem Jashari” (platoja tek Komuna e vjetër) për të vazhduar përgjatë sheshit “Ibrahim Rugova”, ”Skënderbeu”, “Nëna Terezë” e deri tek Sheshi “Zahir Pajaziti”.

Ceremonia e hapjes së festivalit do të bëhet në ora 18:00 në Amfiteatrin e hapur në Sheshin “Zahir Pajaziti”.

Ansamblet pjesëmarrëse janë:

– QKF “Durrës” – Shqipëri

– AKV “Ibe Palikuqi”- Maqedoni

– AKV “Fluturat” – Mali i Zi

– BKUD “Podgorski Biseri” – Prizren

– KSSD “Gercek” – Prishtinë

– AKV “Minatori i Ri”-Kishnicë

– SHKA “Bajram Curri” – Prishtinë

– AKV “Dëshmorët e Kombit” – Obiliq

– AKV “Prishtina” – Prishtinë

– AKV “Hajvalia” – Hajvali

– Qendra Kulturore e Fëmijëve – Prishtinë

– Qendra Rinore – Pejë

Festivali tradicional i valleve për fëmijë “Ylberi i Prishtinës”2018, organizohet për të gjashtëmbëdhjetin vit me radhë, dhe është një ndër ngjarjet më të rëndësishme kulturore për fëmijë që zhvillohet në Prishtinë. Festivali organizohet nga Komuna e Prishtinës, Drejtoria për Kulturë, dhe realizohet nga Qendra Kulturore e Fëmijëve të Prishtinës. / KultPlus.com