Junior Fest është kompeticioni kombëtar i këngës për talentet e reja të moshave 9-14 vjeç, nga ku do të përzgjidhet kënga fituese, e cila do të përfaqësojë Shqipërinë në festivalin evropian të të rinjve, “Junior Eurovision Song Contest”, që këtë vit do të zhvillohet në Tbilisi të Gjeorgjisë më 26 nëntor 2017.

Mes shumë aplikimeve nga Shqipëria e trevat shqipfolëse të rajonit, Komisioni Përzgjedhës i Këngëve ka publikuar listën e 16 materialeve dhe artistëve të rinj të cilët bëhen kështu pjesë e konkurrimit zyrtar për Këngën Fituese në Junior Fest 2017.

Ajla Buzi – DJ Pom
Alina Jani – Yjet
Amela Agastra – Dance Up
Ana Kodra – Mos ma prekni pemën
Argisa Sako – Ola
Auron Ismaili – Shkolla e vjetër
Diana Tahiri – Një sekret
Jana Shala – Si një melodi
Klaudia & Eliza Thartori – Garderoba
Kleanca Susaj – Melodi
Kristiana Veshaj – Profesioni
Sara Bajraktari – Flas me ëndrrën
Uendi Goga – Të japim ty një shpresë
Valeria Cara – Kohën pas ta kthej
Vivian Biaggioni – Si në përrallë
Vivian Kokeri – Historia që nuk flet

Pos emrave të këngëtarëve të vegjël, vërehen këtë vit edhe bashkëpunëtorë të suksesshëm. Florent Boshnjaku ka kompozuar këngën e Auron Ismailit, ndërsa Adrian Hila ka bashkëpunuar me Argisa Sakon. Yll Limani ka shkruar një prej teksteve të këngëve pjesëmarrëse, njëjtë si Enis Mullaj dhe Avni Qahili, shkruan KultPlus.

Junior Fest Albania 2017 premton një spektakël të paharrueshëm, ku krahas 16 talenteve të reja në konkurrim, pjesë e formulës së këtij viti do të jenë edhe performanca të veçanta nga të ftuar specialë. Ky festival, produksion i Radio Televizionit Publik Shqiptar, zhvillohet më 30 Shtator 2017 në Pallatin e Kongreseve në Tiranë. / KultPlus.com