Mimika Luca (24 dhjetor 1937 – 21 shkurt 2023) lindi në Gjirokastër.

Ishte aktore e mirënjohur shqiptare. Interpretoi në skenën e Teatrit të Operas dhe Baletit, si balerinë, nga 1951 – 1962. Më 1962 pranohet aktore në Teatrin Popullor, ku ka interpretuar rreth 30 role në 15 vjet, si: Suzana, Luçia, Tjen Ny te “Muri i madh”, Dila te drama Cuca e maleve, Sonja, Nica te filmi Gjenerali i ushtrisë së vdekur, Laja te Kur hidheshin themelet, etj.

Ka interpretuar edhe në 12 filma artistikë. U martua me aktorin e shquar Ndrekë Luca. Shkroi edhe disa drama, të cilat u vunë në Teatrin Popullor, më e njohura “Drita”, etj. Në vitin 1977 kalon pedagoge në Institutin e Lartë të Arteve, dega dramë.

Disa nga filmat në të cilët luajti janë:

Viktimat e Tivarit (1996),
Treni niset më shtatë pa pesë – (1988)
Botë e padukshme – (1987)
Përrallë nga e kaluara – (1987)…………Nëna e Marigosë
Rrethimi i vogël – (1986)………………Shega
Të shoh në sy (Film TV)(1985)…………..Nëna e Gjergjit
Shi në plazh – (1984) …………………Nëna e Alberit
Taulanti kërkon një motër – (1984)………Edukatorja
Nxënësit e klasës sime (1984)…………..Drejtoresha e shkollës
Zambakët e Bardhë – (1983)……………..Drita, sekretare partie
Në shtëpinë tonë – (1979)………………Nëna e Anës
Kur hidheshin themelet – (1978) (TV)…….Laja
Kryengritje në pallat – (1972)
Detyrë e posaçme – (1963)/KultPlus.com