“Shumë pak fotografi dhe asnjë intervistë nuk ekzistojnë, sepse ai i refuzoi ato. Ai nuk ishte aty për publicitet”, thuhet me këtë rast për veprën e aktorit amerikan, përcjellë KultPlus.

Gjashtëmbëdhjetë vjet më parë, më 11 shtator të vitit 2001, aktori i Hollivudit Steve Buscemi, i njohur për rolet e tij edhe në filmat e Tarantinos, iu rikthye punës së tij të parë, atë të zjarrfikësit në New York, shkruan The Independent, përcjellë KultPlus.

Me rastin e sulmit terrorist që ishte bërë në atë kohë në New York, aktori amerikan punoi mbi 12 orë si zjarrfikës, për të kërkuar të mbijetuarit në Qendrën Botërore të Tregtisë.

Buscemi testin për zjarrfikës e kishte dhënë kur ishte 18 vjeç, dhe kishte punuar në këtë profesion gjatë viteve të 80-ta. Ai më pas la këtë shërbim për tu bërë aktor, por jo edhe angazhimin për këtë profesion, pasi që ai herë pas herë ka marrë pjesë me fjalimet e tij në tubimet e shërbimit të zjarrfikësve.

Dhe vetëm në vitin 2013, faqja zyrtare Brotherhood of Fire Facebook kishte publikuar një status për aktin e tij vetëmohues dhe guximin, duke shkruar edhe këtë status nën fotografinë e tij.
“Shumë njerëz e dinë se ai është një aktor dhe emri i tij është Steve Buscemi. Por vetëm disa e dinë se ai dikur ishte një guximtar i New York-ut”, është shkruar në këtë status.

Më pas bëhet e ditur se vëllai i aktorit punon si zjarrfikës në New York, dhe duke parë se ata kishin punuar mbi 12 orë pa pushuar, ai kishte veshur uniformën edhe i është përveshur punës.
“Shumë pak fotografi dhe asnjë intervistë nuk ekzistojnë, sepse ai i refuzoi ato. Ai nuk ishte aty për publicitet”, thuhet me këtë rast për veprën e aktorit amerikan./KultPlus.com