Serbët po vazhdojnë të veprojnë në të mirë të diplomacisë së tyre kulturore.

Kësaj radhe, shteti serb i ka dhënë shtetësinë aktorit të njohur Ralph Fiennes. Aktori britanik i njohur për rolet e tij në “Grand Budapest Hotel”, “Skyfall” e “Spectre”, mes tjerash, tanimë është shtetas i Serbisë.

Ai e ka pranuar shtetësinë në një ceremoni ku ka qenë e pranishme edhe Ana Brnabic – kryeministre serbe që nga qershori i këtij viti, shkruan KultPlus.

Aktori momentalisht po xhiron në Beograd, për filmin kushtuar valltarit legjendar Rudolf Nureyev.
Aktori ka qenë i pranishëm edhe në inaugurimin më herët këtë vit të Presidentit serb Aleksandar Vuqiq. / KultPlus.com