“Brighton Nr.4” i regjisorit Levan Koguashvili, nga Gjeorgjia u shpall filmi më i mirë me metrazh të gjatë i Festivalit Ndërkombëtar të Filmit Dea Open Air, që u zhvillua nga 15-19 tetor në Tiranë.

Edicioni i tetë i festivali ofroi gjithsej 57 filma nga rreth 30 shtete, të cilët konkurruan në 4 seksione. Një gjeografi e gjerë produksionesh dhe regjisorësh krijuan kontaktet me publikun, pas një periudhe të vështirë pandemie.

“Të privohesh nga kinemaja, do të thotë të privohesh nga mundësia për të jetuar në histori. Ndaj jemi këtu sot – të këmbëngulim të promovojmë kinema dhe të imponojmë kinema pavarësisht nga pandemia, që ende nuk ia ka lëshuar fytin botës. Një sfidë, që vazhdon, për një kohë që ende nuk e parashikojmë dot”, tha në mbyllje të këtij edicioni, drejtorja artistike e festivalit Dea Open Air, Mirela Oktrova.

Pas konkurrimit të filmit me metrazh të gjatë, producenti dhe gazetari, Edi Mazi e ka konsideruar si një moment të rëndësishëm paraqitjen e dokumentarit në këtë festival, duke dhënë edhe vlerësimin për këtë ngjarje të kinemasë.

Në rastin e ndarjes së kupës Dea, si kryetar i jurisë për filmin dokumentar, Mazi theksoi se “dyshimi se, dokumentari mund të mos jetë në nivelin e duhur, kësaj radhe e kapërceu këtë opinion. I kam ndjekur disa kohë festivalet këtu, dhe mendoj se, ky ishte një festival shembull, me prezencë dhe prezantim dhe me organizimin e gjithë aktivitetit deri në përmbylljen e tij, ndarjen e çmimeve Dea, që ishte shumë mirë’.

“Dea HOMAZH” sivjet iu dedikua shkrimtarit dhe kineastit, Petrit Ruka, me një prezencë shumë të pasur titujsh në trashëgiminë tonë letrare dhe kinematografike.

Të gjithë artistët fitues si nga Meksika, Rusia, Italia, Gjergjia ishin prezent përmes videove, dhe pse nuk ishin fizikisht në festival, ne Tirane.

Po ashtu është hedhur edhe shorteu, nga telefonia celulare One, ku për tre fitues, të pranishëm në sallë, u dha si shpërblim të vlerësimit nga një aparat telefonik.

Fituesit

Programi i filmit me metrazh të gjatë mbetet programi qendror dhe konkurrimi kryesor i festivalit. Oferta e sivjetme përfshiu filma nga Kosova (ndonëse jashtë konkurrimit), Gjeorgjia, Irani, Italia, Rusia dhe Shqipëria. Konkurrimi në këtë program u ndoq nga juria e Filmit me Metrazh të gjatë, e përbërë nga: Peter Dirmeier – aktor/regjisor – Gjermani; More Raça – regjisore – Kosovë, Refet Abazi – aktor dhe pedagog – Maqedoni e Veriut, Ivan D’Ambrozio, regjisor/producent – Itali; Abaz Hado – piktor dhe kritik – Shqipëri.

Kupa DEA, aktori/aktorja më i/e mirë – Filmi Gjatë:

Anila Bisha (Sana) & Neritan Liçaj (Gori) – Inane, Shqipëri

Kupa DEA – Kamera më e mirë – Filmi me metrazh të gjatë

Phedon Papamichael – Brighton Nr. 4, Gjeorgji

Kupa DEA – Skenari më i mirë – Filmi me metrazh të gjatë :

Irina Mariychuk-Lukinova – Putra e lepurit (Rabbit’s Paw ), Federata Ruse

Kupa DEA – Regjia më e mirë – Filmi me metrazh të gjatë:

Paolo Zucca – Njeriu që bleu hënën (The man who bougt the moon), Itali

Kupa DEA – Fimi më i mirë – Filmi me metrazh të gjatë

Brighton Nr. 4 /Brigton 4th – Levan Koguashvili, Gjeorgjia

Kupa DEA – Dokumentari më i mirë –

Kur dashuria bëhet tabu – Demian Saldana, Meksikë 2021

Kryetari i jurisë së Filmit Dokumentar, Eduard Mazi dorëzoi kupën Dea. Juria e filmit dokumentar, e përbërë nga: Eduard Mazi, Gazetar dhe producent (kryetar), Rezarta Delisula, gazetare (anëtare); Ferdinand Dervishi, gazetar (anëtar).

Kupa DEA – Filmi studentor më i mirë-

Kllouni – Vladimir Feklenko, Federata Ruse 2020

Këtë vit në kuadrin e programit të Filmit të Shkurtër u ofruan 16 filma të Shkurtër nga 13 vende evropiane, me prodhime të dy viteve të fundit, në fokus të të cilëve u vu një gamë e gjerë problematikash shoqërore, të trajtuara me angazhim social dhe nivel të admirueshëm artistik.

Kupa DEA – Filmi i shkurtër më i mirë

Klod – Giuseppe Marco Albano, Itali 2020

Juria e Medias ndau dy çmime – një për kategorinë e filmit të shkurtër dhe një për kategorinë e filmit me metrazh të gjatë.

Çmimi i medias i medias – Filmi i shkurtër

Lufta ime e fshehtë – Kevin R. Phipps, SHBA 2019

Çmimi i medias – Filmi me metrazh të gjatë

Putra e lepurit – Nana Djordjadze, Federata Ruse 2020

Juria e medias, e përbërë nga gazetarët: Fatmira Nikolli (kryetare), Bieta Sulo (anëtare), Abaz Krasniqi (anëtar).

Këtë vit çmimi i pulbikut u dha në dy kategori:

-Në kategorinë e Filmit dokumentar

Mbijetesa dhe Shkolla – Ilir Kabashi, Kosovë 2021

-Në kategorinë e filmit me metrazh të gjatë

Inane – Besnik Bisha, 2020

Është ndarë cmimi special i Festivalit, që mban emrin e drejtorit të Fotografisë Leonard  Qendro, ndarë nga jeta, një vit më parë, shkon pikërisht në këtë program/konkurrim:

– Pipo and blind love – Hugo Le Gourrierec, France 2020./atsh/KultPlus.com