Regjisori dhe Producenti Burim Haliti do ta përfaqësojë Kosovën në Fesivalin më të madh kultuor ballkanik “Ballkan Tage”, që do të mbahet në Munich të Gjermanisë, shkruan KultPlus.

 Nga data 5 deri më 31 Mars 2019  në  Munich të Gjermanisë organizohet ngjarja më e madhe kulturore vallkanike “Ballkan Tage”, ku me aktivitetet e tyre kulturore dhe filmike prezantohen të gjitha shtetet ballkanike si Shqipëria, Kroacia, Bosnia, Mali i Zi, Greqia, Kroacia, Maqedonia, Serbia, përfshirë edhe Kosovën.

Nga datat 21,22,23  mars  të këtij viti, regjisori dhe producenti Burim Haliti, është ftuar zyrtarisht nga organizatorët e “BallkanTage” dhe njëkohësisht është përzgjedhur që ta përfaqësojë Kosovën në këtë ngjarje të madhe kulturore në Munich.

Burim Haliti ka vendosur që përpos dy filmave të tij “The interview” dhe“Çlirimi”, të futë brenda programit edhe dy filma të regjisori dhe aktori Bekim Guri “The drop of blood”  si dhe “Silent” , në mënyrë që Kosova të përfaqësohet në mënyrën më të mire para kineastëve ballkanik dhe  atyre gjerman, pasi që të katër këta filma kanë qenë pjesëmarrës edhe në festivale tjera Kombëtare dhe  Ndërkombëtare  ku kanë të fituara shumë çmime kinematografike./ KultPlus.com