Pa asnjë fije dyshimi, Christopher Nolan tashmë mban titullin e regjisorit më të paguar të të gjitha kohërave. Pas triumfit të filmit të çmuar me 7 çmime nga akademia e Oscars, Nolan arketoi nga fitimi i “best picture” 100 milionë dollarë.

Christopher Nolan tashmë kryeson listën e regjisorëve më të paguar të të gjitha kohërave. Lajmi nuk përbën surprizë për industrinë dhe dashamirësit e kinematografisë pas suksesit që arriti  filmi “Oppenheimer”. Në ndarjen e 96-të të çmimeve Oscar të dielën e 10 marsit, Oppenheimer mori shtatë çmime, duke përfshirë dhe filmin më i mirë i vitit. Cylian Murphy fitoi aktorin më të mirë në Oscar, ndërsa Nolan fitoi dy çmime, duke përfshirë regjisorin më të mirë.

Teksa pagesa e arkëtuar nga Nolan mbetet një mister për kuriozët, mediat amerikane bëjnë me dije se regjisori britanik ka fituar 100 milionë dollarë për regjinë e filmit më të mirë, duke përfshirë dhe kompensime të tjera në formë pagesash dhe bonusesh për triumfin e tij në OSCAR. Nolan konfirmoi se buxheti total i realizimit ishte rreth 100 milionë dollarë, duke e bërë atë filmin e gjashtë më të shtrenjtë të regjisorit pas Batman Begins (150 milionë USD), Interstellar (165 milionë USD), The Dark Knight (185 milionë USD), Tenet (200 milionë USD) dhe The Dark Knight Rises (250 milionë USD). Oppenheimer e justifikoi buxhetin duke kthyer gati 10-fish investimet. Arkëtimet e deritanishme flasin për 958 milionë dollarë fitime në mbarë botën.

Filmi i vitit 2023 ndjek historinë e shkencëtarit J. Robert Oppenheimer, të luajtur nga Cillian Murphy, dhe rolin e tij në zhvillimin e bombës atomike e cila u përdor në Luftën e Dytë Botërore. / KultPlus.com