14 Gusht, 2020 - 7:00 pm
Që nga fillimi filmat kanë qenë një mënyrë me të cilën njerëzit kanë mësuar gjëra të rëndësishme rreth jetës, dashurisë dhe rëndesisë së lumturisë. Por, disa filma janë shumë më shumë se sa që duken, dhe shumë të tillë kanë fuqinë të na prekin në nivelet më të thella emocionale.
Në këtë artikull do të paraqesim një listë të filmave të cilat do të qëndrojnë me ne për një kohë të gjatë. Këta filma e ndryshojnë perceptimin tonë rreth realitetit dhe na bëjnë të mendojmë thellë në mënyren se si e shohim botën.
Fight Club është shfaqur në vitin 1999, dhe ka bërë për vete mendjen e të gjithë atyre të cilët e kanë shikuar atë. Vetëm realizimi i këtij filmi e ka bërë të mjaftueshem që ky film të meritojë statusin e një filmi kult, por kthesat e papritura përgjatë filmit e kanë bërë atë një prej filmave më të mirë të bëra ndonjeherë.
Është një film që do të jetojë përgjithmonë. Përgjatë filmit ju do të qeshni, vajtoni dhe nuk do të jeni ne gjendje të mendoni siq keni menduar më herët. Ky film është rreth një shkolle djemsh, me standarde jo-realistike dhe një mësues fantastik që sjell një kuptim te ri termit “jo-konvencional”.
Ky film i dhimbshëm është rreth një babai të vetëm dhe djalit të tij, në rrugën e tyre drejt gjetjes së “lumturisë”. Nëse ju nuk e dini si t’i tejkaloni të gjitha vështiresitë dhe pengesat të cilat ju shfaqen gjatë jetës, ky film do të ju mësojë më të vërtetë!
Ky film do të ju bëj të ndjeheni falenderues për jetën tuaj. Poashtu do t’ju bëj të dyshoni mbi realitetin ashtu siq është, dhe nëse duhet të jetë ashtu siq është. Edhe pse është pak i vështirë të kuptohet tërësisht, ju do ta dashuroni nëse arrini ta kuptoni ashtu siq duhet.
Po pra! Ky është filmi im i preferuar që nga fëmijëria, dhe nëse e keni shikuar ndonjëherë e dini edhe ju pse. Flet për historinë e një djaloshi të ri, i cili përdorë kung fu për të kontrolluar emocionet e tij. Ai mëson mbi respektin dhe si duhet ta përdorë atë me personat e afërm të tij. Edhe pse nuk ka asgjë te keqe me ri-krijimin e këtij filmi, origjinali është mijëra herë më i mirë. Nëse mund ta gjeni, ju rekomandoj fuqishëm ta shikoni!
Ky film flet rreth Will Hunting, një pastrues në MIT i cili është nje gjeni i vërtetë. Një psikolog (Robin Williams) e ndihmon atë të kuptoj se çka dëshiron nga jeta, dhe…pjesa tjeter është histori! Ky film është një kombinim i plotë i emocioneve, që do t’ju bëjnë të qeshni, të vajtoni dhe të buzëqeshni më shumë se kurrë më parë. Sidoqoftë, mësimet që do t’i merrni në këtë film, do të mbeten me ju përgjate gjithë jetës suaj.
E kam një bindje që deri më tani shumica e njerëzve e kanë shikuar këtë film. Ky film bazohet në historinë e vërtetë të Michael Oher, i cili është adoptuar nga një familje që e ka ndihmuar atë t’i tejkalojë të gjitha sfidat përgjatë jetës së tij, dhe (spoiler alert!) të bëhet një lojtar i futbollit amerikan.
Në këtë film një djalë i ri mundohet me të gjitha forcat ta bëjë botën një vend më të mirë, dhe mund të them me plot bindje se është një prej filmave me të dhimbshem të cilët i kam shikuar. Do të shtoja me shumë, por nuk dua t’ju humbas kënaqësine e të shikuarit. Ju lutem, nëse doni të shikoni ndonjë film prej kësaj liste, filloni prej këtij filmi!
Do ta shikoja këtë film pa ndalur gjatë gjithë jetës sime, dhe nuk do të merzitesha kurrë. Flet rreth një njeriu dhe lidhjen e tij me një qen të braktisur të cilin e merr në shtepi. Më besoni, pasi ta shikoni këtë film ju do të krijoni nje respekt të thellë për kafshët në përgjithësi.
Është një film rreth një njeriu të quajtur Chris Nielson (Robin Williams) i cili vdes në një aksident makine. Pas vdekjes ai është i udhëzuar në jetën e përtejme nga një udhëzues shpirtëror, Alberti. Bota e tij e re është e bukur dhe mund të jetë çkado që Chris e imagjinon. Edhe fëmijët e tij janë atje. Por, kur gruaja e tij, Annie, bën vetëvrasje dhe dërgohet në ferr, Chris i injoron paralajmërimet e Albertit dhe fillon udhëtimin për të shpëtuar gruan e tij. Më vonë, Chris e kupton se shpëtimi i Annies është më i vështirë se sa që e ka imagjinuar. /KultPlus.com
