Festivali i Filmit në Sarajevë sot ka shpallur programin e filmave garues.

Prurje të rëndësishme filmike do të jenë pjesë e festivalit që mbahet në Sarajevë prej 16-23 gusht.

53 filma do të garojnë për ‘Zemrën e Sarajevës’.

Në kategorinë e filmave të metrazhit të gjatë konkurron edhe regjisori Florenc Papas me filmin ‘Derë e hapur’ – bashkëproduksion mes Shqipërisë, Italisë, Kosovës dhe Maqedonisë. Në kategorinë garuese për filmat dokumentarë, filmi i Samir Karahodës “Në Mes” do të jetë njëkohësisht edhe premierë në Bosnjë.

Aktori Alban Ukaj vjen në festival në cilësinë e regjisorit, me filmin “Jama”, premierë botërore, ndërsa regjisori Erenik Beqiri me filmin “The Van” është poashtu pjesë e garës kryesore në kategorinë e filmave të shkurtër.

Në 16 vitet e festivalit rreth 700 filma janë shfaqur në kategorinë e filmave garues.

Edicioni i radhës i Sarajevo Film Festival e bën më të rëndësishëm festivalin pasi ai bëhet festival me të drejtë nominimi për ceremoninë Oscars, dhe organizohet nën patronazhin e UNESCO-s. / KultPlus.com