Në Kej, buzë lumit, do të jetë e vendosur një nga 10-të kinematë e këtij edicioni të festivali më të madh të filmit dhe dokumentarit në Kosovë ‘Dokufest’.

Kjo kinema pritet të jetë unike sepse audienca aty do të ketë mundësi të shikoj filma me VR (realitet virtual) dhe të përjetoi ndjesinë e udhëtimit në të ardhmen.

Kinemaja “GjirafaVideo VR” do shtoi edhe më tepër kuptimin e temës së këtij edicioni-FUTURE. Secili do të mund të përfshihet tërësisht në realitetin virtual përmes tre filmave: ”Chasin Coral ”, ” Notes on Blindness” dhe “A history of Cuban Dance”.

Kinemaja do të jetë e hapur çdo ditë të festivalit nga ora 10:00 deri në orën 23:00.

Hyrja është falas dhe të gjithë interesuarit do të kenë mundësi të përjetojnë eksperiencën e filmave të së ardhmes. Dokufest fillon më datë 4 gushtë në Prizren. / KultPlus.com