Një shtet që nuk ekziston më, por një hotel qe mban emrin e tij.

Pamjet brenda dokumentarit paraqesin Hotel Jugoslavija, një ndërtesë e ndërtuar në vitet 60-të dhe foleja e Arkanit dikur në kohën e krimeve të Serbisë, më pas e bombarduar në vitin 1999 nga forcat e NATOS, shkruan KultPlus.

Regjisori Nicolas Wagnieres, me nënë nga Beogradi por i rritur e lindur në Zvicër, me anë të dokumentarit që u shfaq në Berlinale – Festivalin e Filmit në Berlin, e kërkon shtetin e zhdukur në brendësinë e Hotelit modern e luksoz në Beograd.

Dokumentari sjellë intervista me ish drejtorin e hotelit, nëna e regjisorit njashtu flet për përvojën e saj, ndërsa janë përfshirë edhe fotografi nga arkiva dhe fotografi të hotelit momentalisht, i cili ka dalë në procesin e privatizimit.

Në 78 minuta vijnë edhe dy imazhe të filmave, një prej filmit “Mlad i zdrav kao ruža” i vitit 1971 dhe tjetri është një pasazh filmik nga ‘Three days to kill” i vitit 2014. / KultPlus.com