Regjisori Durim Kryeziu me filmin i tij “Familja” ishte njëri nga 14 projektet e zgjedhura për t’u prezantuar përpara producentëve evropianë në Festivalin e Filmit të Pulës në Kroaci.

Festivali i Filmit i Pulës për 65 vjet është një nga ngjarjet më të rëndsishme të industrisë së filmit në Evropën Juglindore dhe në Mesdhe.

“Matchmaking Forum” është një program i ri, i cili u mbajt për herë të parë këtë vit. Programi ju ofron producentëve mundësinë për t’u takuar me shumë financues të ndryshëm që janë pjesë e industrisë së filmit si: distributorë, agjentët të shitjes, banka, financues private dhe publike, regjionet dhe komisionet të filmit, transmetuesit, platformat e internetit etj.

“Pas prezentimit ka pasur interesim të madh për projektin “Familja”, Pastaj janë realizuar shumë takime me producent, distributorë, fondacione të ndryshme dhe përfaqësues të HBO-së dhe Euroimages. Unë pres që këto takime do të sjellin bashkëpunime të reja në të ardhmen e afërt”- u shpreh regjisori Durim Kryeziu.

Projekti filmik “Familja“ është mbështetur financiarisht nga Qendra Kinematografike e Kosovës si film debutant. / KultPlus.com