Në Tiranë zhvillohet nesër (dt. 11.10.2020) ceremonia zyrtare e hapjes së Edicionit të Shtatë të Festivalit Ndërkombëtar të Filmit Dea Open Tiranë 2020.

Festivali vion të organizohet sipas traditës Open Air, në Kinema DEA OPEN AIR 1 – Amfiteatri i Universitetit të Arteve, DEA OPEN AIR 2 – po në mjediset e Universitetit të Arteve dhe në taracën e Pallatit të Kulturës në bashkëpunim me Institutin Italian të Kulturës.

Festivali ka në qendër konkurimin në Seksionin e filmit artistik me metrazh të gjatë, i cili plotësohen natyrshëm në gjini, tematikë dhe shtrirje me Seksionin e e Filmit të Shkurtër, Filmit Studentor dhe Filmit Dokumentar.

Filmat e paraqitur dhe të përzgjedhur për konkurim janë seleksionuar nga afro 500 filma dhe aplikantë nga e gjithë bota prej komisioneve ndërkombëtare përkatëse.

Përzgjedhja e filmave i ka ndenjur parimit të përfaqësimit të gjerë të gjinive dhe problematikave të trajtuar, ndërkohë që oferta ditore tenton shtrirje të gjerë gjeografike.

Shfaqja e filmave do të jetë e hapur (FALAS) për publikun kryeqytetit dhe të ftuarit e Festivalit. Konkurimi do të ndiqet nga disa juri:

Juria e Filmit me Metrazh të Gjatë, e përbërë nga: Hazir Haziri aktor, Dekan i Fakultetit të Dekan i Fakulteti të Arteve në Universitetin e Prishtinës “Hasan Prishtina” – Kosovë (kryetar); Sehad Çekiç, drejtor menaxhues i Qendrës Kinematografike të Filmit të Malit të Zi (anëtar); Luis Diogo, skenarist dhe regjisor – Portugali (anëtar); Steffen Hacker, regjisor – Gjermani (anëtar); Alert Çeloaliaj, Drejtues i Departamentit të Regjisë, Regjisë së Filmit & TV në Universitetin e Arteve – Tiranë(anëtar).

Juria e Filmit të Shkurtër, përbërë nga: Francesca Olivieri, regjisore dhe skenariste – Itali (kryetare); Suela Bako, aktore dhe producente – Shqipëri (anëtare); Lorena Sopi, regjisore dhe producente regjisore – Kosovë(anëtare)

Juria e Filmit Dokumentar, përbërë nga: Florin Kelmendi, Gazetar, drejtor i programeve kulturore-artistike – Kosovë (kryetar), Ben Andoni, studjues, përkthyes – Shqipëri (anëtar); Luljeta Progni, gazetare – Shqipëri (anëtare).

Juria e medias, e përbërë nga gazetarët: Rezear Xhaxhiu(kryetar), Monika Shoshori Stafa (anëtare)), Jonida Shehu (anëtare).

Juritë e mësipërme do të akordojnë disa çmime DEA, sipas emërtimit të festivalit.

Çmimi DEA për Filmin me metrazh të gjatë, do të ndahet në kategoritë:

DEA për Filmin më të mire; DEA për Regjinë më të mire; DEA për Skenarin më të mire; DEA për Kameran më të mire; DEA për aktorin/aktoren më të mire.

Në konkurimet e Filmit të Shkurtër, Filmit Studentor dhe Filmit Dokumentar, do të ndahen respektivisht çmimet: DEA për Filmin e Shkurtër më të mirë; DEA për Filmin më të mire Studentor dhe DEA për Filmin më të mire Dokumentar.

Çmimi i Medias, i cili ndahet nga Juria e medias, ndahet si në kategorinë e Filmit me Metrazh të Gjatë ashtu edhe në kategorinë e Filmit të Shkurtër

Organizatorët e festivalit do të ndajnë edhe këtë vit Çmimin e Mirënjohjes, për karriera dhe personalitete të spikatura të kinemasë shqiptare dhe më gjerë.

Edicionin e tretë të DEA International Film Festival e mbështet sivjet Bashkia Tiranë, Ministria e Kulturës e Republikës së Kosovës dhe Programi CIRCE. / KultPlus.com