Sot në Bibliotekën Kombëtare të Kosovës do të shfaqet filmi dokumentar “Ferdonije”, shkruan KultPlus.

Ky film rrëfen përjetimet e zonjës Ferdonije, gruas që ka mbetur pa burrin dhe djemtë e saj, të zhdukur me dhunë gjatë luftës në Kosovë në vitin 1999.

I xhiruar në një periudhë prej dy vitesh filmi tregon emocionet, mendimet, vështirësitë dhe vuajtjet e Ferdonijes, të reflektuara nga realiteti i zhdukjes me dhunë të gjithë familjes së saj nga forcat serbe.

Filmi është drejtuar dhe prodhuar nga Gazmend Bajri dhe Shkurte Dauti. /KultPlus.com