Filmi i animuar ‘Frozen’, tashmë shumë i dashur për shumë fëmijë nga e gjithë bota, së shpejti do të shfaqet edhe në teatër, në Broadway, në formë të mjuzikllit, shkruan KultPlus.

Këtë e ka bërë të ditur ‘The Walt Disney Company’, e cila ka publikuar disa fotografi nga provat e aktorëve si dhe një triler të mjuzikllit.

Personazhet e famshme, Ana dhe Elsa, të njohura dhe të dashura nga shumë fëmijë të botës, tani do të shfaqen drejtpërdrejtë edhe në skenë teatri, përmes mjuzikllit, i cili do të jetë më i thellë dhe me i gjerë se sa filmi, duke trajtuar më shumë gjendjen emocionale të personazheve, të cilat në film janë lënë të nënkuptuara, për shkak se filmi është shikuar nga fëmijët, shkruan KultPlus.

Mjuziklli ‘Frozen’ i cili do të luhet për dy orë e gjysmë, do të shfaqet për herë të parë me 17 gusht të vitit 2018 në ‘Center for the Performing Arts’. Mjuziklli do të zgjasë dy orë.

Sipas një njoftimi për shtyp, skenari dhe regjia e këtij mjuziklli janë bërë nga Jennifer Lee, ndërsa muzika Robert Lopez dhe Kristen Anderson-Lopez, ekipi i njejtë që ka krijuar ‘Let It G’ këngën e famshme të filmit ‘Frozen’. /KultPlus.com