Festivali Ndërkombëtar i Filmit ‘PriFimFest’, mbrëmë ka bërë hapjen solemne. Festivali është hapur me filmin ‘T’padashtun’ të regjisorit Edon Rizvanolli.

Ndërsa sonte me fillim prej orës 22:30 në kinemanë e hapur, në sheshin ‘Zahir Pajaziti’ në kryeqytet, në kuadër të PriFilmFesto do të shfaqet filmi i metrazhit të gjatë ‘Kosovo Calling’ i cili për regjisor ka Eki Rrahmanin shkruan KultPlus. Skenari i këtij filmi është realizuar nga Jeton Kulinxha, ndërsa producent i filmit është Fisnik Ademi.

Filmi ‘Kosovo Calling’, pasqyron jetën e një komuniteti në një fshat, bazuar në Çabër, të pas luftës në Kosovë. Këtu personazhet mundohen të gjejnë kuptim në rrethanat e reja në të cilat gjendën, si dhe si t’i tejkalojnë sfidat me të cilat ballafaqohen për çdo ditë, gjithmonë duke qenë të vetëdijshëm se i përkasin shekullit 21 dhe se janë në një kënd të Evropës bashkëkohore, por që ende qëndrojnë pothuajse të përjashtuar nga kornizat e ‘Fshatit Globa’.

Në këtë film luajnë aktorët: Çun Lajçi, Armond Morina, Fisnik Ademi, May-Linda Kosumovic, Valina Muqolli, Arbneshë Nixha, Luan Kryeziu, Kushtrim Sheremeti, Anisa Ismaili, Adrian Morina dhe Shkelzen Veseli.

Hyrja në kinemanë e hapur në sheshin sheshin ‘Zahir Pajaziti’ për të gjithë ata që dëshirojnë të shohin filmin ‘Kosovo Calling’, është falas. /KultPlus.com