Filmi “Martesa” do të shfaqet në Amsterdam në kuadër të festivalit Roze Filmdagen.

Drama e një trekëndëshi të dashurisë ku luajnë Adriana Matoshi, Genc Salihu dhe Alban Ukaj, në rolet kryesore, do të shfaqet me 10 mars në ora 15:30 dhe me 16 mars në ora 17:45.

Nga 8-18 mars mbahet Roze Filmdagen Festival – festivali ku shfaqen filma që lidhen me jetën e komunitetit gej, lezbik, transgjinor e biseksual – LGBTQ.

Pos filmit “Martesa” janë edhe rreth 125 filma të tjerë që do të shfaqen në këtë edicion të 21 të Roze Filmdagen.

Filmi ka nisur të shfaqet në Kosovë dhe ka marrë menjëherë vëmendjen e publikut. / KultPlus.com