Në një ceremoni që i përngjanë vetë ceremonisë së madhe Oscars, shqiptari Izer Aliu ka marrë mbrëmë çmimin e regjisorit më të mirë.

Kjo ka ndodhur në Amanda Awards në Norvegji, në çmimet e mëdha të kinematografisë norvegjeze, ku Aliu morri çmimin e regjisorit më të suksesshëm.

Aliu morri këtë çmim për filmin “Hunting Flies”, ndërsa kishte edhe disa nominime tjera me të njëjtin film në këtë ceremoni, shkruan KultPlus.

Filmi flet për një mësues i cili pasi largohet nga puna provon një sukses me studentët e tij, ku hyn në lojë edhe miqësia e armiqësia mes fshatit. Filmi u shfaq vitin e kaluar në Toronto International Film Festival ndërsa në rolin kryesor paraqitet Burhan Amiti, si mësuesi Gani.

Izer Aliu është ndër regjisorët më të mirë të gjeneratës së tij momentalisht në Evropë, ndërsa në Norvegji tanimë ka fituar famë dhe reputacion dhe këtë e tregon edhe çmimi i cili mbrëmë padyshim i erdhi me meritë. / KultPlus.com