Lumbardhi në bashkëpunim me Arkivin Qendror Shtetëror të Filmit të Shqipërisë – AQSHF nesër, me 6 tetor 2018 në orën 20:00, do të shfaqë programin e filmit Jeta pas Enverit: Kinematografia Shqiptare e viteve 90, me fokus te filmat e animuar.

Programi do të përbëhet nga një përmbledhje jashtëzakonisht interesante e filmave të shkurtë të animuar të prodhuar në Shqipëri gjatë viteve të 90-ta.

Ky është fillimi i bashkëpunimit në mes të Lumbardhit dhe AQSHF që do të vazhdoj vitin që po vjen ku do të shfaqet premiera e programit të plotë të filmit.

Në fillim do të bëhet nje hyrje nga kuratori dhe regjisori: Thomas Logoreci. / KultPlus.com