Projekti nga kineastja kosovare Kaltrina Krasniqi fiton grantin kryesor për përkrahje zhvillimore të Festivalit të Filmit Arras, shkruan KultPlus.

Festivali i Filmit Arras është një festival filmi kushtuar kinemave në Francë dhe Evropë.

Kineastja kosovare, Kaltrina Krasniqi, ka arritur të fitojë një grant kryesor në Festivain e Filmit “Arras”, ku ka marrë përkrahje zhvillimoee të projektit të saj, shkruan KultPlus.

Edicioni i 10-të i Festivalit të Filmit “Arras” i prezantuar nga Charles Tesson, Dennis Ruh dhe Dominique Welinski, shpërndau grante për mbështetje zhvillimore për dy filma artistikë.

Granti kryesor (7,500 € dhënë nga Festivali i Filmit Arras) shkoi për Bleach nga kineastja kosovare Kaltrina Krasniqi.

Personazhi kryesor i Bleach është 50-vjeçarja Fatime, një punëtore shtëpiake nga rrethina e Prishtinës, nënë e dy fëmijëve dhe gruaja e Avdiut, një shofer i kamionit.

Fatimja kishte punuar në të kaluarën si pastruese, e vazhdon atë profesion edhe në të ardhmen në një kompani pastrimi në qytet.

Kompania drejtohet nga gruaja Elvira (40), e cila magjeps Fatimen deri në atë pikë sa e bën të besojë se të dyja janë bërë mikesha.

Por një incident që i zbulon Fatimes jetën private të Elvirës e njollos aq keq lidhjen e tyre, saqë asnjë sasi zbardhuesi nuk do të mund ta pastronte atë.

Regjisorja Kaltrina Krasniqi është duke shijuar suksese të mëdha me filmin “Vera Andrron detin”./KultPlus.com