Dramaturgu kosovar Petrit Imami u shua dje me datën 29 Maj në Beograd, shkruan KultPlus.

Ndërsa nesër me datën 31 Maj nga ora 12:00, në Teatrin Kombëtar të Kosovës, do të mbahet mbledhje komemorative për dramaturgun, skenaristin, profesorin e intelektualin Imami.

Profesor Petrit Imami la pas vetes një bagazh të pasur artistik duke filluar nga skenari, drama por edhe botime të librit të cilat u ndihmojnë gjeneratave të reja të avancohen në ketë drejtim.

Në anën tjetër kishte botuar edhe fjalor të gjuhës shqipe dhe të serbishtes e një mori studimesh tjera përfshirë edhe tri vëllimet rreth raportit shqiptar dhe serb./KultPlus.com