Në Beograd sonte në kuadër të festivalit Mirëdita Dobar Dan po shfaqet filmi “Ferdonija”.

Siç tregon gazetarja Alberina Haxhijaj nga KultPlus, nga Beogradi, jashtë sallës ku po shfaqet filmi ka protesta ndërsa të gjithë të pranishmit brenda sallës nuk po lejohet të dalin prej sallës, për shkaqe sigurie.

“Ferdonija” është film nga Gazmend Bajri dhe Shkurte Dauti dhe tregon jetën e një gruaje e cila ka humbur anëtarët e familjes së saj në luftën e fundit në Kosovë.

Haxhijaj është brenda sallës ku po shfaqet filmi dokumentar dhe do të na sjellë ngjarjet e fundit nga festivali.

***

“Ambiciet e mia nuk kanë qenë politike dhe nuk janë politike. Ajo që më ka shty është që me e kuptu qysh një nanë mundet me e përballu këtë ankth duke mos e ditë ku i ka katër djem dhe burrin. Ndërkohë janë bo 20 vite dhe akoma nuk mundet me e përmbyllë dhimbjen” tha sonte Shkurte Dauti, një prej regjisoreve të filmit, në këtë shfaqje para publikut në Beograd.