Platforma digjitale Netflix, e ka fituar të drejtën për ta prodhuar një dokumentarë të ri mbi jetën e reperit të ndjerë, Nipsey Hussle.

Filmi i ri, i cili do të realizuat nga regjisorja e nominuar për Oscar, Ava DuVernay, ka kohë që është pritur nga publiku derisa për realizimin e tij, ishte zhvilluar një garë e ashpër mes dy kompanive, Netflix dhe Amazon, transmeton Koha.net.

Sipas portalit “Deadline”, Netflixi e ka fituar këtë luftë ofertash duke e propozuar një shumë të majme të hollash për filmin, i cili do të drejtohet dhe prodhohet nga DuVerney.

Dokumentari të cilit ende nuk i është vënë një titull, është bashkëpunim mes kompanisë së regjisore “ARRAY” dhe kompanisë së të ndjerit Nipsey Hussle, “Marathon Films”.

Nipsey Hussle u qëllua për vdekje në mars të vitit 2019, jashtë dyqanit të veshjeve “Marathon” në një lagje të Los Angelesit. Ai ishte kujtuar dhe nderuar nga një numër i madh i yjeve të muzikës si: Rihanna, Drake, Bruno Mars, Pusha-T dhe të tjerë.

Pas vdekjes së reperit, familja e tij e ka themeluar fondacionin “Neighborhood Nip Foundation”, një iniciativë e cila ka për qëllim ta nderojë kujtimin e tij dhe t’iu ofrojë mundësi talenteve të reja në muzikë.

Hussle po ashtu u nderua në formë të veçantë në ceremoninë e sivjetme të ndarjes së shpërblimeve “Grammy”, e cila u mbajt në muajin janar, me ç’rast yje të shumtë si, Meek Mill, John Legend dhe DJ Khaled, u bënë bashkë për ta festuar jetën dhe karrierën e reperit. Gjatë mbrëmjes, ai po ashtu u shpërblye me çmimin e parë “Grammy”. / KultPlus.com