Bekim Fehmiu, një prej aktorëve më të mirë shqiptarë të të gjitha kohërave, megjithatë mund të mos jetë shqiptar për ndonjë portal serb.

Noizz.rs ka shkruar një aktor serb për pak do të ishte pjesë e filmit të njohur “The Godfather”.

“Legjenda thotë se dy aktorët serb, Jovan Janicijevic Burdush dhe Bekim Fehmiu ishin propozimet e para për të luajtur në filmin “The Godfather”. Megjithatë, diçka ndryshoi” shkruan ky portal duke e targetuar Bekim Fehmiun si një aktor tjetër serb.

Historia është e ditur prej kohësh, se Bekimi ishte afër të merrte rol në filmin e njohur ku luan James Caan, Marlon Brando dhe Al Pacino.

Vetë Fehmiu e ka shkruar këtë histori në librin e tij autobiografik, ku tregon se në fund u vendos që në film të jenë të gjithë aktorë nga Amerika.

Fehmiu megjithatë ishte shqiptar, dhe mbetet shqiptar, i lindur në një tokë shqiptare por me përvojë në Beograd dhe në tërë ish Jugosllavi, e deri në Hollivud, me lojën e tij perfekte prej aktori.

Ai shkruan se e kishte përgatitur deri në perfeksion rolin e Michael Corleone, djalit të Vito Corleone. Dy rolet kryesore më pas shkuan për Al Pacinon dhe për Marlon Brandon, shkruan KultPlus.

“U takova me aktorin John Janivijevic i cili mendonte se do të luante tek “The Godfather”. Nuk u pashë më kurrë me të pas herës së parë dhe asnjëri nuk performuam rolet që deshëm e për të cilat ekzistonin fjalë se mund të ishim të përkryer” shkruan Fehmiu. / KultPlus.com