Filmi ‘Pesë Stinët e Fëmijërisë Sime” me regji të Besim Ugzmajli ka dhënë premierën në festivalin prestigjioz ‘Tampere Film Festival’ në Finlandë, përcjell KultPlus.

Regjisori Ugzmajli ka ndarë në profilin e tij në Facebook imazhe nga premiera.

Në vijim KultPlus ua sjell njoftimin e Besim Ugzmajli:

Premiera e filmit “Pesë Stinët e Fëmijërisë Sime” në festivalin prestigjioz — Tampere Film Festival – Finland

“Pesë Stinët e Fëmijërisë Sime” është një dokumentar autobiografik i vendosur në Kosovë, që gërsheton mjeshtërisht pamje reale me personazhe të animuar. Përmes një udhëtimi të thellë në kujtimet e fëmijërisë, filmi risjell një nostalgji të mbushur me dhimbje dhe dashuri. Asgjë nuk është më siç ishte dikur — vetëm kujtimet, të larmishme dhe kaotike, enden lirshëm duke vezulluar me një ndriçim të pamëshirshëm në retrospektivë./KultPlus.com