Aktorja e njohur amerikane, fituesja e çmimit ‘Oscar’ Jennifer Lawrence është zgjedhur për të qenë figura e kopertinës së revistës ‘Vogue’ për muajin shtator, në rastin e 125 vjetorit të revistës prestigjioze, shkruan KultPlus.

Kësaj radhe figurën e Jennifer Lawrence, do ta shohim në një pikturë të cilën e ka punuar piktori i famshëm John Currin, i cili njihet për pikturat e tij me përmbajtje erotike.

Pavarësish erotizmit të tij, piktura e Jennifer Lawrence, për edicioni festiv të revistës ‘Vogue’ është më i përmbajtur.

‘Të jem në një situatë ku duhet të krijosh kopertinën për një revistë kaq të famshme, është pak frikësuese. Patjetër duhet të duket si ajo’, ka thënë John Currin. / KultPlus.com