Edicioni i katërmbëdhjetë i PriFest-it vazhdon traditën e organizimit të një mundësie unike për projektet filmike që janë në fazën e para-produksionit. Kjo mundësi vjen në kuadër të PriFORUM – Prishtina Film Forum, platforma rajonale e industrisë filmike e festivalit PriFest.

Një numër i madh i projekteve ambicioze filmike nga regjioni (Kosovë, Shqipëri, Maqedoni e Veriut, Kroaci, Mal i Zi dhe Turqi) kanë aplikuar me projektet e tyre filmike në këtë garë, ku do të kenë mundësi të garojnë për çmime të ndryshme, përfshi ate kryesorin ‘Vanessa Redgrave Award for Best Pitch’. 

Projektet e përzgjedhura rajonale për këtë vit janë:

1. EMBRYO – Producer: Marija Perovic, Director:Masa Sarovic, Montenegro;

2. HERON FLIES NORTH – Producer: Bojan Kanjera, Director: Zvonimir Munivrana, Croatia;

3. THE SWEDISH CLUB – Producer: Enea Gramo, Director: Iris Elezi, Albania;

4. FOUR FUNERALS AND A WEDDING – Producer: Maja Kecojevic, Director: Nikola Mijovic, Montenegro;

5. DAUGHTER – Producer: Eki Rrahmani, Script: Jeton Kulinxha, Kosovo;

6. SHE WHO REMAINS – Prod/Director: Kostadin Bonev, Script: Irena Ivanova, Bullgaria;

7. LAST EXIT – Producer: Mumin Jashari,Director: Bekim Guri, Kosovo;

8. THE SKIN OF A DOG – Producer: Agim Halili, Director: Redi Treni, Albania;

9. BATTLE OF THE HEDGEHOGS – Producer: Ftesa Hazrolli, Director: Tayfur Aydin, Turkey;

10. THE SECRET OF BARE HILL – Producer: Bogdan Jonchevski, Director: Igor Aleksov, North Macedonia.

Besnik Krapi, bashkëdrejtues i PriForum-it me këtë rast tha: ’’Këtë vit interesimi për pjesmarrje në garën Best Pitch të PriForum-it ka qenë jashtëzakonisht i madh. Janë përzgjedhur 10 projekte, që mendoj se kanë një potencial të madh që në të ardhmen të shfaqen si filma nëpër festivale të ndryshme gjithandej botës’’.  

Gjithashtu, në këtë edicion do të jenë edhe tetë projekte per Best Pitch nga Odesa Film Festival – Ukrainë, në kuadër të bashkëpunimit të festivaleve Odesa dhe PriFest. Edicioni i përbashkët i dy festivalave i titulliar ‘Odesa përtej kurfijve. Odesa në PriFest ishte iniciativë e drejtoreshës së ndjerë të PriFest, Vjosa Berisha, dhe ky edicion i dedikohet kujtimit dhe nderimit për të.

Best Pitch është vetëm një nga disa aktivitete që në PriFest organizohen si pjesë e PriFORUM-it, që është një platformë rajonale e zhvillimit të industrisë së filmit.

PriFORUM është komponentë përbërëse e PriFest dhe këtë vit do të mbahet në datat 22-24 shtator, ndërkohë që PriFest do të mbahet me 20-25 shtator. Të gjitha aktivitetet do të mbahen në mënyrë fizike.

Vjosa. Forever. PriFest. /KultPlus.com