Aktorja britanike, fituese e çmimit Oscar Vanessa Redgrave, e cila është edhe Presidente Bordit të Nderit të PriFest-it, mbrëmë në kategorinë “Projeksion Special”, solli filmin e saj të parë të punuar si regjisore, “Sea Sorrow”, që vitin e kaluar kishte premierën botërore në Cannes.

Kësisoj, në shenjë respekti dhe vlerësimi për gjithë përkrahjen e saj ndër vite për komunitetin artistik në Kosovë dhe festivalin, PriFest-i do ta shpërblejë aktoren me çmimin “Hyjnesha e Artë”.

Pas pak orësh, në Teatrin Kombëtar të Kosovës, do të ndahen çmimet e edicionit të 10-të të Festivalit PriFilmFest, i cili nisi më 17 korrik dhe përfundon sot më 22 korrik, rrugëtimin e tij të 10-të./ KultPlus.com