Me mbi 230 filma, ekspozita të ndryshme, programe për fëmijë, muzikë live me bende vendore e ndërkombëtare, programe të veçanta për teknologji, e shumëçka tjetër, sot fillon rrugëtimi i 16-të i Festivalit Ndërkombëtar për Dokumentar dhe filma të shkurtër DokuFest.

Tashmë është bërë një lloj slogani që ditën që nis njëri ndër festivalet më të mëdha në Kosovë e jo vetëm, të përdoret shprehja ‘Doku n’Doku’ dhe ‘Të gjitha rrugët të dërgojnë në Prizren’, pasi që, qyteti i Prizrenit përgjatë tetë ditëve sa zgjatë ky festival do të jetë nikoqir i mijëra mysafirëve nga mbarë bota.

Ajo që dikur ishte një iniciativë e vogël u rrit shpejt dhe u bë katalizator për ringjalljen kulturore dhe kinematografike, si dhe një qendër për filma dokumentarë në Ballkan, duke tërhequr regjisorët nga e gjithë bota. Ndoshta edhe më shumë, DokuFest, tani është edhe një platformë për të drejtat e njeriut, mbrojtjen e mjedisit, trashëgiminë kulturore dhe thyerjen e tabuve. Një festival, i cili ka ndërtuar ura të forta mes popujve të Ballkanit dhe pjesës tjetër të botës. E krejt këtë e ka bërë me mbështetjen e fuqishme që nga fillimit të ProCredit Bank.

Kësisoj përgjatë 16-të viteve me radhë, DokuFest, pati ‘krah të djathtë’ njërën ndër bankat më të mëdha në vend siq është ProCredit. Kjo bankë e përkrahi këtë festival që në hapat e parë të tij dhe kështu vazhdoi t’i qëndroj besnik përgjatë këtyre viteve, duke iu mundësuar jo vetë organizatorëve por gjithë atyre që do të bëhen pjesë e DokuFest, një ngjarje ku secili do e gjejë vetën në të.

Mbështetja për një festival të tillë është shumë e mirëpritur nga audienca shqipfolëse dhe kryesisht nga qytetarët e Prizrenit. Krejt kjo, pasi që, ky festival sjellë të ardhura të mëdha në Prizren, ku për këtë gjë janë deklaruar edhe qytetarët. Kjo është ajo që padyshim i duhet jo vetëm Prizrenit por gjithë Kosovës, duke e pas parasysh sa rriten të ardhurat gjatë evente-ve të tilla, e pikërisht këtë gjë edhe duke se e ka kuptuar ProCredit, që duke i dhënë fuqi financiare një festivali i jep fuqi gjithë vendit.
DokuFest, nis sot më datën 4 gusht dhe do të mbahet deri më 12 gusht.

ProCredit Bank, është një ndër bankat që i jep shumë hapësirë ngjarjeve të mirëfillta kulturore në vend e kjo është dëshmuar jo vetëm me DokuFest-in, por edhe me shumë ngjarje të tjera që ka organizuar ProCredit.