Dan Shutt, një regjisor britanik, ka zgjedhur këngën labe dhe peripecitë e saj për dokumentarin e tij më të ri.

Në ditët e fundit të xhirimit, dokumentari flet për iso-polifoninë shqiptare e cila njihet edhe nga UNESCO dhe mbrohet si pjesë e trashëgimisë së paprekur gojore.

“Washed by the moon” pritet të lansohet në mars të vitit 2018-të.

“Këngët iso-polifonike labe bartin me vete shumë sensualitet por edhe një ndjenjë të bashkësisë ndër shqiptarë. Për herë të parë për këto këngë u njoftova nga librat e Ismail Kadaresë” tregon regjisori Dan Shutt.

Emri i dokumentarit rrjedhë nga një këngë e Golik Jaupit – “Labëri Larë në Hënë”, shkruan Tirana Times.
“Xhirimet kanë nisur dhjetorin e vitit të kaluar. Në Shqipëri presim që dokumentari të shfaqet vitin tjetër ndërsa më pas do të udhëtojë edhe në festivale tjera. Jam kënaqur me pjesëmarrësit në dokumentar, sidomos me Grupin Polifonik Jonianët” tregon regjisori.

I njëjti regjisor në Londër para pak javësh transmetoi edhe një radio-dokumentar mbi iso-polifoninë, që u transmetua në NTS Radio. / KultPlus.com