Filmi dokumentar “Sarabande” i regjisores Kaltrina Krasniqi do të shfaqet në festivalin e Filmit Dokumentar dhe të Shkurtër DokuFest të Merkurën me 8 Gusht në orën 20:00.

SARABANDE filloi si një dokumentar personal mbi virtuozin e muzikës klasike, Petrit Çekun, që në vitin 2014, në Spanjë, do t’i regjistronte Suitat për Viollonçello nga J.S. Bach. Por, rrugës, filmi u shëndrrua në një ‘road movie’ mbi kufinjtë dhe ilegalitetin, që më pas të paketohet si rrugëtim i dy shokëve nëpër idetë e shpikura mbi Orientin dhe Oksidentin, të shkuarën dhe të ardhmen.

Filmi do të shfaqet në Kinemanë Lumbardhi, ndërsa biletat mund të validohen në pikën e shitjes DokuShop në Sheshin Shadërvan.

Sarabande është prodhuar nga shtëpia filmike Vera Films në vitin 2018 dhe është mbështetur nga Ministria e Punëve të Jashtme, Komuna e Prishtinës, Fondacioni Lumbardhi dhe dit’ e nat’. / KultPlus.com