“Filmi i shkurtër, i krijuar me smartfon, paraqet përfshirjen dhe aktivitetet e mija në Zvicër”, shkruan Arbela Statovci.

“Shumë e lumtur që filmi im ka fituar në kategorinë

“Best Diaspora Success Story”, pjesë e Life Safety Festival në mesin e shumë pjesëmarrësve nga 91 shtete të botës.

Filmi i shkurtër, i krijuar me smartfon, paraqet përfshirjen dhe aktivitetet e mija në Zvicër.

Falënderoj jurinë ndërkombëtare të festivalit që zgjodhi filmin tim si më të mirin në këtë kategori.

“Life Safety Festival, me një organizim të mrekullueshëm dhe shumë profesional, i mbajtur për herë të parë në Prishtinë, u jep mundësi të gjithëve të shpalosin kreativitetin e tyre përmes kamerës së telefonit në xhepin e secilit”, është shprehur Statovci në rrjetet sociale.

Arbela Statovci është gjithashtu kandidate për deputete për Parlamentin e Cyrihut në zgjedhjet që do të mbahen në muajin mars të këtij viti.

“Jam një ndërmarrëse nga Cyrihu, pronare e firmës “massgekocht”, dhe angazhohem në bordin e FDP-s Wallisellen, në Bordin e fakultetit HWZ dhe si mentore ngrihem për rininë tonë, duke i ndihmuar ata që të zhvillojnë potencialin e tyre dhe të gjejnë një hyrje optimale në botën profesionale”, ishte shprehur Statovci për albinfo.ch./ KultPlus.com